తెలుగు, తమిళ భాషల్లో నటిస్తూ గుర్తింపు తెచ్చుకున్న హీరో సిద్ధార్థ్కు హత్య బెదిరింపులు వస్తున్నాయి. దీనికి తమిళనాడు భాజపానే కారణమని ఇతడు ఆరోపణ చేశారు.
తన మొబైల్ నంబర్ను భాజాపా తమిళనాడు ఐటీ సెల్ లీక్ చేసిందని ప్రముఖ హీరో సిద్ధార్థ్ ఆరోపించారు. దీనివల్ల తనతో పాటు కుటుంబసభ్యులను పలువురు ఫోన్ చేసి దూషించడం, రేప్ చేస్తామని అనడం, చంపేస్తామని బెదిరించడం చేస్తున్నారని ట్వీట్ చేశారు. అయితే ఆ కాల్స్ అన్నింటినీ రికార్డు చేశానని, వాటిని పోలీసులు అందజేయనున్నానని చెప్పారు.
గత 24 గంటల్లో 500కు పైగా కాల్స్ వచ్చాయని సిద్దార్థ్ తన ట్విట్టర్లో రాసుకొచ్చారు. ప్రధాని మోదీ, హోం మంత్రి అమిత్ షాను ట్యాగ్ చేస్తూ ఈ పోస్ట్ చేశారు. తనను పలువురు బెదిరించిన స్క్రీన్షాట్లను సోషల్ మీడియాలో పంచుకున్నారు. తమిళనాడు బీజేపీ సభ్యులు కొందరు తన ఫోన్ నంబర్ లీక్ చేసి, తనపై దాడి చేసి, వేధించమని పోస్టులు పెడుతున్నారని తెలిపారు.