అది ముంబయి మహా నగరం, అక్కడ ఓ ప్రాంతంలోని రోడ్డు మీద రూ.2 వేల నోట్లు కుప్పలు కుప్పలుగా పడి ఉన్నాయి. ఈ విషయం తెలిసిన కొద్ది సేపటికి చుట్టుపక్కల ఉండే వాళ్లంతా వాటిని ఏరుకోవడానికి ఎగబడ్డారు. తీరా వాటిని సరిగ్గా చూస్తే అవి నకిలీ నోట్లు, దీంతో వాళ్లంతా నిరాశతో వెనుదిరిగారు. కొందరేమో ఇలా గాంధీ మహాత్ముడు ఫొటో ఉన్న నోట్లను రోడ్డుపై పారేయడం నేరం అంటూ కేసు పెట్టారు. దీనంతటికీ కారణం షాహిద్ కపూర్(shahid kapoor raj and dk) నటిస్తున్న వెబ్ సిరీస్ 'సన్నీ'. 'ఫ్యామిలీ మ్యాన్' సిరీస్ను తెరకెక్కించి దేశవ్యాప్తంగా గుర్తింపు తెచ్చుకున్న రాజ్, డీకేలు(raj dk vijay sethupathi) దీనికి దర్శకత్వం వహిస్తున్నారు.
ఈ సిరీస్(vijay sethupathi raj and dk) చిత్రీకరణలో భాగంగా ఓ యాక్సిడెంట్ సన్నివేశం ఉంది. ఆ సమయంలో కరెన్సీ నోట్లు రోడ్డుపై చెల్లాచెదురుగా పడిపోతాయి. దీని కోసం నకిలీ నోట్లను ఉపయోగించారు. కానీ చిత్రీకరణ పూర్తయ్యాక వాటిని తీయడం మర్చిపోయారు. దీంతో ఆ ప్రాంతంలో గందరగోళం ఏర్పడింది. దీనిపై కొందరు స్థానికులు పోలీసులకు ఫిర్యాదు చేశారు.