'పుష్ప' సినిమాలోని​ 'ఇది నా అడ్డా' సాంగ్ వచ్చేసింది..

'పుష్ప' చిత్రంలోని 'ఇది నా అడ్డా' సాంగ్ ప్రేక్షకుల ముందుకొచ్చేసింది. శ్రోతల్ని ఆకట్టుకుంటూ సినిమాపై అంచనాల్ని పెంచుతోంది.

ఐకాన్ స్టార్ అల్లు అర్జున్ హీరోగా నటిస్తున్న సినిమా 'పుష్ప'. ఇందులోని నాలుగో పాట 'ఏయ్ బిడ్డా.. ఇది నా అడ్డా' లిరికల్ పాట రిలీజైంది. పూర్తి మాస్​లుక్​లో కనిపిస్తున్న బన్నీ.. సినిమాపై అంచనాల్ని పెంచుతున్నారు.

ఎర్రచందనం స్మగ్లింగ్​ నేపథ్య కథతో తీసిన 'పుష్ప'లో బన్నీ సరసన రష్మిక హీరోయిన్​గా నటించింది. ఇప్పటికే విడుదలైన ఫస్ట్​లుక్స్.. అభిమానుల్ని అలరిస్తున్నాయి.

ఈ సినిమాలో సమంత ఓ ప్రత్యేక గీతంలో నర్తించనుంది. ఈ విషయాన్ని ఇటీవల చిత్రబృందం ప్రకటించింది. ఆ పాట కోసం అభిమానులు ఆసక్తిగా ఎదురుచూస్తున్నారు.

ఇందులో ఫహాద్ ఫాజిల్, సునీల్, అనసూయ తదితరులు కీలకపాత్రలు పోషిస్తున్నారు. దేవిశ్రీ ప్రసాద్ సంగీతమందిస్తుండగా, సుకుమార్ దర్శకత్వం వహిస్తున్నారు. మైత్రీ మూవీ మేకర్స్ పాన్ ఇండియా స్థాయిలో నిర్మిస్తోంది. డిసెంబరు 17న ఈ సినిమా థియేటర్లలోకి తీసుకురానున్నారు.