హైదరాబాద్ జగద్గిరిగుట్ట పరిధిలో సెప్టెంబర్లో అదృశ్యమైన వ్యక్తి హత్య కేసును పోలీసులు ఛేదించారు. ఏపీ కడప జిల్లాకు చెందిన వీరభద్రం అదే ప్రాంతానికి చెందిన మరో మహిళతో కలిసి సహజీవనం చేస్తున్నాడు. ఆమె కూతురిపై మారు భర్త అయిన వీరభద్రం కన్నేశాడు. వేధింపులు తట్టుకోలేక సదురు యువతి.. తన స్నేహితుడు అయిన బాలుకు విషయం చెప్పింది.
గత నెల 16న బాలు తన ఆరుగురు స్నేహితులతో కలిసి వీరభద్రాన్ని కర్రలతో చితకబాది మట్టుబెట్టారు. మృతదేహాన్ని వికారాబాద్ జిల్లా మాధవరం గ్రామం సమీపంలో పూడ్చి పెట్టారు. భార్య ఫిర్యాదు మేరకు రంగంలోకి దిగిన పోలీసులు కేసు దర్యాప్తులో భాగంగా విచారించగా అసలు విషయం వెలుగులోకి వచ్చింది.