వచ్చే ఏడాది మార్చి నాటికి మరో ఏడు లక్షల కరోనా మరణాలు సంభవిస్తాయని ఐరోపా పరిధిలోని ప్రపంచ ఆరోగ్య సంస్థ కార్యాలయం (who warns europe covid) హెచ్చరించింది. మొత్తంగా తమ కార్యాలయ పరిధిలోని 53 దేశాల్లో మరణాల సంఖ్య 20 లక్షలకు చేరుకుంటుందని వెల్లడించింది. కరోనా వ్యాక్సిన్ల ద్వారా వైరస్ నుంచి రక్షణ క్షీణించడమే ఇందుకు నిదర్శనమని పేర్కొంది. రోగనిరోధక శక్తి తక్కువగా ఉన్నవారికి క్రమంగా బూస్టర్ డోసు ఇవ్వాలని స్పష్టం చేసింది.
"యూరప్, మధ్య ఆసియాలో వైరస్ వ్యాప్తి ఇంకా అధికంగానే ఉంది. శీతాకాలంలో వైరస్ను ఎదుర్కొవాల్సి ఉంది. వైరస్ కారణంగా 2022 మార్చి నాటికి మా పరిధిలోని 25 దేశాలు ఆస్పత్రుల్లో బెడ్లు లేక ఇబ్బందులు ఎదుర్కొంటాయి. 49 దేశాలకు ఐసీయూల కొరతతో ఒత్తిడి ఎదురవుతుంది."