అంతర్జాతీయ ప్రయాణికుల కోసం తాము ఆమోదించే టీకా జాబితాలో కొవాగ్జిన్కు (Covaxin uk travel) చోటు కల్పించింది బ్రిటన్ ప్రభుత్వం. కొవాగ్జిన్ రెండు డోసులు తీసుకుని భారత్ నుంచి యూకేకు వెళ్లాలనుకునే పర్యటకులకు ఇకపై ఆ దేశం నేరుగా అనుమతి లభించనుంది. ప్రయాణానికి ముందు.. కరోనా రిపోర్టులు, టెస్టులు అంటూ.. ఎలాంటి అడ్డంకులు ఉండబోవు. వెళ్లాక కరోనా పరీక్ష చేయించుకోవాల్సి ఉంటుంది!
అత్యవసర వినియోగం కోసం డబ్ల్యూహెచ్ఓ గుర్తించిన టీకాలను స్థానిక కాలమానం ప్రకారం సోమవారం ఉదయం 4 గంటల నుంచి అనుమతి ఇవ్వనున్నామని యూకే రోడ్డు రవాణా శాఖ స్పష్టం చేసింది. ఫలితంగా సినోవాక్, సినోఫార్మ్, కొవాగ్జిన్ రెండు డోసులు వేసుకున్నవారికి తమ దేశంలోకి రావడానికి అడ్డంకులు తొలగిపోనున్నాయని వెల్లడించింది.
భారత్ బయోటెక్ తయారు చేసిన కొవాగ్జిన్కు డబ్ల్యూహెచ్ఓ గత నెలలో అనుమతి ఇచ్చింది.
ఇదీ చదవండి:'కరోనా కాలంలో ప్రజాస్వామ్య విలువలకు పాతర'
