సామాజిక మాధ్యమ దిగ్గజం ఫేస్బుక్.. గూగుల్ అడుగుజాడల్లో నడుస్తోంది. వార్త పరిశ్రమల్లో భారీగా పెట్టుబడులు పెట్టేందుకు సిద్ధమైంది. వచ్చే మూడేళ్లలో ఈ పరిశ్రమల్లో 1 బిలియన్ డాలర్లు పెట్టుబడిగా పెట్టాలని ప్రణాళికలు రచిస్తునట్లు ఆ సంస్థ వెల్లడించింది. సామాజిక మాద్యమాలు వార్త సంస్థల్లో పెట్టుబడి పెట్టే చట్టం విషయంలో ఆస్ట్రేలియా ప్రభుత్వం-ఫేస్బుక్ మధ్య వివాదం నెలకొన్న వేళ ఈ మేరకు ప్రముఖ సామాజిక దిగ్గజం స్పందించింది.
గూగుల్, ఫేస్బుక్ సామాజిక వేదికల్లో కనిపించే తమ వార్తలకు చెల్లింపులు జరపాలని వార్త సంస్థలు డిమాండ్‌ చేస్తున్నాయి. 2018 నుంచి ఇప్పటివరకూ 600 మిలియన్‌ డాలర్లను వార్త సంస్థలకు చెల్లించినట్లు ఫేస్బుక్ తెలిపింది.