'పొన్నియిన్‌ సెల్వన్‌ 1' తారలకు పాలాభిషేకం.. థియేటర్ల వద్ద కోలాహలం

Ponniyin Selvan Release : టీజర్‌తోనే తన సినిమా ఏ స్థాయిలో ఉంటుందో చూపించారు అగ్ర దర్శకుడు మణిరత్నం. ఆయన దర్శకత్వంలో తెరకెక్కిన చారిత్రక చిత్రం 'పొన్నియిన్‌ సెల్వన్‌ 1'. విక్రమ్‌, కార్తీ, జయం రవి, ఐశ్వర్య రాయ్‌, త్రిష ప్రధాన పాత్రల్లో నటించిన ఈ చిత్రం శుక్రవారం విడుదలైంది. దీంతో కోలీవుడ్​ అభిమానులు సెలెబ్రేషన్స్​ హోరెత్తిస్తున్నారు. మణిరత్నం డ్రీమ్ ప్రాజెక్టు కావడం.. తమిళ అగ్ర తారలు నటించడం వల్ల ఈ సినిమాకు భారీ క్రేజ్​​ ఏర్పడింది. సినిమా విడుదల సందర్భంగా అభిమానులతో తమిళనాడులోని థియేటర్లు కోలాహంలంగా మారాయి.

అభిమానులతో కలిసి సినిమా చూసిన తారలు

కార్తి కటౌట్​కు పాలాభిషేకం చేస్తున్న అభిమాని

చెన్నై కోయంబెడులోని రోహిని సిల్వర్​ స్క్రీన్ థియేటర్​కు భారీగా అభిమానులు తరలివచ్చారు. నటుల​ కటౌట్​లకు పాలాభిషేకాలు చేశారు. టపాసులు కాల్చి హోరెత్తించారు. దీంతో అక్కడ పండగ వాతావరణం నెలకొంది. మరోపక్క కార్తీ, త్రిష, విక్రమ్, జయరామ్​ అభిమానులతో కలిసి చెన్నైలోని ఫోరమ్ మాల్​లో 'పొన్నియన్ సెల్వన్​ 1' చూశారు. దాదాపు రెండేళ్ల నుంచి షూటింగ్‌ జరుపుకొంటున్న ఈ భారీ చిత్రాన్ని లైకా ప్రొడక్షన్స్‌, మద్రాస్‌ టాకీస్‌ సంయుక్తంగా నిర్మించాయి. అయితే 'పొన్నియిన్‌ సెల్వన్‌' రెండు భాగాలుగా ప్రేక్షకుల ముందుకు రానుంది.

సినిమా విడుదల సందర్భంగా థియేటర్లకు తరలివచ్చిన అభిమానులు

థియేటర్ల వద్ద డప్పు వాయిద్యాలతో అభిమానుల సందడి

ఇవీ చదవండి:తెలుగు అందం చిరునామా.. ఈ బుల్లితెర భామ