Bhagavanth Kesari Overseas Booking :నందమూరి నటసింహం బాలకృష్ణ, అనిల్ రావిపూడి కాంబినేషన్‌లో తెరకెక్కిన సినిమా 'భగవంత్ కేసరి'. ఈ సినిమా మరికొద్ది రోజుల్లో థియేటర్లలో సందడి చేయనుంది. ఇప్పటికే విడుదలైన మూవీ ట్రైలర్, సాంగ్స్ మూవీపై హైప్ను మరింత పెంచేశాయి. ఈ క్రమంలో బాలయ్య ఫ్యాన్స్ కూడా ఈ యాక్షన్ ప్యాక్డ్ మూవీ కోసం ఎంతో ఆసక్తిగా ఎదురుచూస్తున్నారు.
కాగా.. ఈ సినిమా అక్టోబర్ 19న థియేటర్లలో సందడి చేయనుండగా.. యూఎస్లో ఒక్కరోజు ముందుగానే(అక్టోబర్ 18) విడుదలకానుంది. దీంతో యూఎస్ బాక్సాఫీస్ వద్ద ప్రీ బుకింగ్స్ మొదలయ్యాయి. తాజా సమాచారం ప్రకారం ఈ బుకింగ్స్కు ఆడియెన్స్ నుంచి అద్భుతమైన స్పందన వస్తోందట. పలు థియేటర్ల బుకింగ్స్ హౌస్ ఫుల్ అయ్యాయట. దీంతో నందమూరి ఫ్యాన్స్ సంబరాలు చేసుకుంటున్నారు. మరోవైపు.. ఈ సినిమాతో పాటు యూఎస్లో విజయ్ హీరోగా 'లియో' సినిమా కూడా రిలీజయ్యేందుకు సిద్ధమవుతోంది. అయితే, తమిళ హీరోల అభిమానుల మధ్య
సోషల్ మీడియా వార్ నడుస్తూనే ఉంటుందన్న సంగతి తెలిసిందే. ఇప్పుడు తాజా లియో సినిమా టికెట్ల విషయంలోనూ ఈ వార్ మొదలైంది. బాలయ్య బాబు నటించిన 'భగవంత్ కేసరి', దళపతి విజయ్ నటించిన 'లియో' చిత్రాలు ఒకే రోజు విడుదల కానున్నాయి. ఈ నేపథ్యంలో విజయ్ యాంటీ ఫ్యాన్స్ బాలయ్య బాబు సినిమా టికెట్లు ఎక్కువగా కొనేలా ప్లాన్లు చేస్తున్నారట. లియోకి బదులు భగవంత్ కేసరికి వెళ్లమని సినీ ప్రియులను ప్రేరేపిస్తున్నారట.