Young Man Cut Young Woman Throat: ఆంధ్రప్రదేశ్లోని పశ్చిమగోదావరి జిల్లా తాడేపల్లిగూడెం గ్రామీణ మండలం కొండ్రుప్రోలులో దారుణం చోటుచేసుకుంది. గత రెండు నెలలుగా ప్రేమిస్తున్నానంటూ యువతి వెంట పడుతోన్న యువకుడు రాజులపాటి కల్యాణ్‌.. గురువారం అర్ధరాత్రి దాటాక యువతి ఇంటికి వెళ్లి గొంతు కోశాడు. అడ్డొచ్చిన యువతి చెల్లెలు, తల్లిపై చాకుతో దాడి చేశాడు.
దారుణం.. అర్ధరాత్రి యువతి ఇంటికి వెళ్లి గొంతు కోసిన ప్రేమోన్మాది
వారిని గమనించిన స్థానికులు రక్తపుమడుగులో పడి ఉన్న ముగ్గురిని హుటాహుటిన ఏలూరు ప్రభుత్వ ఆస్పత్రికి తరలించారు. నిందితుడు కల్యాణ్‌ను గతంలో పలుమార్లు యువతి తండ్రి హెచ్చరించినట్లు తెలుస్తోంది. కేసు నమోదు చేసిన తాడేపల్లిగూడెం గ్రామీణం పోలీసులు దర్యాప్తు చేస్తున్నారు.