పండగపూట విషాదం... పాముకాటుకు విద్యార్థిని బలి

పండగపూట విషాదం చోటుచేసుకుంది. రాత్రి కుటుంబ సభ్యులతో పాటు భోజనం చేసి... ఇంటి ముందు పడుకున్న విద్యార్థిని.. పాముకాటుకు బలైంది.

వనపర్తి జిల్లా పెద్దమందడి మండలం జీవుల​ తండాలో విషాదం చోటుచేసుకుంది. విద్యార్థిని లక్ష్మి పాముకాటుకు గురై మృతి చెందింది. లక్ష్మి మహబూబ్​నగర్​ గురుకుల పాఠశాలలో ఏడో తరగతి చదువుతోంది. పాఠశాలలకు సెలవులు ప్రకటించడంతో లక్ష్మి మార్చి 20న తన గ్రామానికి వచ్చింది.

ఈ క్రమంలో మంగళవారం రాత్రి కుటుంబ సభ్యులతో పాటు భోజనం చేసి... ఇంటి ముందు పడుకున్న లక్ష్మి పాముకాటుకు గురైంది. గ్రామస్థులు లక్ష్మిని ఆసుపత్రికి తీసుకెళ్లే లోపే ఆమె మృతి చెందినట్లు నిర్ధరించారు. దీనితో పండగపూట తండాలో విషాదఛాయలు అలుముకున్నాయి.

• ఇవీచూడండి:శంషాబాద్ విమానాశ్రయంలో రూ.13.6 లక్షల విలువైన బంగారం పట్టివేత