CRIMINALS USING KGF WEAPON: తాజాగా.. హత్యలు, గొడవలు, దాడులకు నిందితులు ‘సుత్తి’ ఆయుధంగా ఉపయోగించటం చర్చనీయాంశంగా మారింది. మీర్‌పేట్‌ ప్రశాంత్‌హిల్స్‌లో శ్వేతారెడ్డి అనే మహిళ ప్రియుడు యశ్మకుమార్‌ను ఫేస్‌బుక్‌ స్నేహితుడు అశోక్‌తో హత్య చేయించటం సంచలనంగా మారింది. ఈ ఘటనలో నిందితులు సుత్తితో యశ్మకుమార్‌ తల వెనుక భాగంలో పలుమార్లు గట్టిగా కొట్టడంతో అపస్మారక స్థితికి చేరుకున్నాడు. చికిత్స పొందుతూ మరణించాడు.
CRIMINALS USING KGF WEAPON:కేజీఎఫ్ సినిమా గురించి కొత్తగా చెప్పనక్కరలేదు. ప్రపంచ వ్యాప్తంగా చాలా మంది జనాలను ఆకర్షించింది ఈ చిత్రం. అయితే అందరికి యశ్ యాక్టింగ్ నచ్చితే.. నేరస్థులకు మాత్రం యశ్ ఉపయోగించిన సుత్తి నచ్చిందనుకుంటా. అందుకే దాదాపు హత్యల్లో.. ఈ ఆయుధాన్నే ఎక్కువగా వాడుతున్నారు.
నగర శివారు అబ్దుల్లాపూర్‌మెట్‌ కొత్తగూడ వద్ద భార్య జ్యోతి, అతడి ప్రియుడు యశ్వంత్‌ను భర్త శ్రీనివాసరావు సుత్తి ఉపయోగించే హతమార్చాడు. వెండితెరపై కేజీఎఫ్ రెండు భాగాలు కలెక్షన్ల వర్షం కురిపించాయి. ఈ సినిమాలో కథానాయకుడు ప్రత్యర్థులను ఖతం చేసేందుకు సుత్తినే వాడతాడు. కొద్దికాలంగా హత్యలు, దాడులకు నిందితులు దీన్నే ఉపయోగించేందుకు సినిమా ప్రభావం కూడా కారణం కావచ్చని పోలీసు వర్గాలు అంచనా వేస్తున్నాయి.
ఇదీ చూడండి: BRIDE SUICIDE: అప్పగింతలు కాకుండానే నవవధువు ఆత్మహత్య