ఆన్​లైన్​లో టీ20 ప్రపంచకప్‌ జెర్సీ - మీరూ సొంతం చేసుకోవాలా? - ధర ఎంతంటే? - T20 World Cup 2024 Jersey

T20 World Cup Jersey Cost : జూన్‌ 1న ఐసీసీ టీ20 వరల్డ్‌ కప్‌ మొదలుకానుంది. షెడ్యూల్‌ దగ్గరపడుతున్న కొద్ది, టీ20 ప్రపంచ కప్‌ అప్‌డేట్‌లు క్రికెట్‌ ఫ్యాన్స్‌లో జోష్‌ పెంచుతున్నాయి. తాజాగా ఆయా జట్లు తమ టీ20 వరల్డ్‌ కప్‌ జెర్సీని ఆవిష్కరించడం ప్రారంభించాయి. భారత జట్టు కిట్ స్పాన్సర్ అడిడాస్, ఇండియన్‌ టీమ్‌ జెర్సీని సోషల్ మీడియాలో షేర్‌ చేసింది.

ఫ్యాన్‌ వెర్షన్‌ ధర ఎంతంటే ?
మంగళవారం నుంచి ఈ జెర్సీలు దేశవ్యాప్తంగా తమ ఆఫ్‌లైన్‌, ఆన్‌లైన్‌ స్టోర్లలో అందుబాటులోకి వచ్చినట్లు కంపెనీ తాజాగా వెల్లడించింది. దాని ధరను ఆ సంస్థ రూ.5999గా పేర్కొంది. అయితే భారత క్రికెట్‌ అభిమానుల డిమాండ్‌ని దృష్టిలో ఉంచుకుని, అదే జెర్సీని ఫ్యాన్ వెర్షన్​లో కూడా లాంఛ్​ చేసింది. ఈ జెర్సీని అభిమానులు కేవలం రూ.999కే సొంతం చేసుకోవచ్చు. ఇదే తరహాలో వన్డే ప్రపంచ కప్ 2023 సమయంలో కూడా అడిడస్‌, ఫ్యాన్‌ వెర్షన్‌ జెర్సీని అందుబాటులోకి తీసుకొచ్చింది.

కిట్ స్పాన్సర్‌షిప్ కోసం అడిడాస్ బోర్డ్ ఆఫ్ కంట్రోల్ ఫర్ క్రికెట్ ఇన్ ఇండియాతో నాలుగు సంవత్సరాల ఒప్పందం కుదుర్చుకుంది. ఇటీవల ముగిసిన ప్రపంచ కప్ 2023లో కూడా టీమ్ ఇండియా జెర్సీకి అడిడాస్‌ ప్రాతినిధ్యం వహించింది.

• It’s only beating the world. #YouGotThis.
  The new team India t20 jersey is now available in stores across India and on https://t.co/8XCz8p5KGu#T20WorldCup pic.twitter.com/ZBHh38DfLy

  — adidas (@adidas) May 7, 2024

ఈ జెర్సీ ప్రత్యేకతలు ఏంటంటే ?
దిల్లీకి చెందిన అక్విబ్ వానీ అనే డిజైనర్ భారత జట్టుకు అన్ని ఫార్మాట్లలో జెర్సీని డిజైన్ చేశారు. టీ20 వరల్డ్‌ కప్‌ బాధ్యతలు కూడా వానీ నిర్వర్తించారు. కొత్త T20I జెర్సీ భుజాల నుంచి స్లీవ్ వరకు ఆరెంజ్‌ కలర్‌లో ఉంటుంది. కాలర్ మాత్రం భారత జాతీయ జెండాలోని మూడు కలర్‌లతో వస్తుంది. అడిడాస్‌ బ్రాండ్ ట్రేడ్‌మార్క్ అయిన మూడు గీతలు రెండు భుజాలపై కనిపిస్తాయి.

టీ20 వరల్డ్‌ కప్‌ టీమ్​ఇండియా స్క్వాడ్‌
రోహిత్ శర్మ (కెప్టెన్‌), హార్దిక్ పాండ్యా (వైస్‌ కెప్టెన్‌), విరాట్ కోహ్లీ, సూర్యకుమార్ యాదవ్, యశస్వి జైస్వాల్, రిషబ్ పంత్ (వికెట్‌ కీపర్‌), సంజు శాంసన్ (వికెట్‌ కీపర్‌), శివమ్ దూబే, అక్షర్ పటేల్, రవీంద్ర జడేజా, కుల్దీప్ యాదవ్, యుజ్వేంద్ర చాహల్, అర్ష్‌దీప్ సింగ్ , మహ్మద్ సిరాజ్‌, జస్ప్రీత్ బుమ్రా.

టీమ్ఇండియా వరల్డ్​కప్ జెర్సీ రిలీజ్- కొత్త డిజైన్ చూశారా? - T20 World Cup 2024