ఐపీఎస్ అధికారిగా పదవీత్యాగం చేసిన ఆర్ఎస్ ప్రవీణ్ కుమార్.. బీఎస్పీలో చేరనున్నట్లు ఆ పార్టీ రాష్ట్ర అధ్యక్షులు మంద ప్రభాకర్ అధికారికంగా ప్రకటించారు. ఈ నెల 8న నల్గొండలో నిర్వహించనున్న రాజ్యాధికార సంకల్పసభలో పార్టీ జాతీయ కోఆర్డినేటర్, ఎంపీ రాంజీ గౌతం నేతృత్వంలో ప్రవీణ్ కుమార్ పార్టీలో చేరుతారని తెలిపారు.
కేంద్ర, రాష్ట్ర ప్రభుత్వాల విధానాలు నచ్చక ఐఏఎస్, ఐపీఎస్లు తమ పదవులను సైతం త్యాగం చేసి ప్రజాక్షేత్రంలోకి వస్తున్నారని ప్రభాకర్ తెలిపారు. సమాజంలో అణచివేత, అసమానతలు ఎదుర్కొంటున్న బహుజనులకు రాజ్యాధికారం దక్కాలన్న సంకల్పం కోసం తన ఆరున్నరేళ్ల పదవిని ప్రవీణ్ కుమార్ త్యాగం చేసినట్లు పేర్కొన్నారు. నల్గొండలో జరిగే ఈ సభకు బహుజనులు పెద్దసంఖ్యలో హాజరుకావాలని రాష్ట్ర అధ్యక్షులు మంద ప్రభాకర్ కోరారు.