పోలీస్‌ కమాండ్‌ కంట్రోల్‌ సెంటర్‌ ప్రారంభానికి సర్వం సిద్ధం..

Police Command Control Center: పోలీస్‌ కమాండ్‌ కంట్రోల్‌ సెంటర్‌ ప్రారంభానికి సర్వం సిద్ధమైంది. రేపు మధ్యాహ్నం ముఖ్యమంత్రి ఈ కేంద్రాన్ని ప్రారంభిస్తారని సీపీ సీపీ ఆనంద్​ తెలిపారు. పర్యావరణహిత, ఐకానిక్​ భవనాన్ని రేపు ప్రారంభించేందుకు అన్ని ఏర్పాట్లు చేసినట్టు పేర్కొన్నారు.

Police Command Control Center: హైదరాబాద్‌లో రాష్ట్ర ప్రభుత్వం ప్రతిష్టాత్మకంగా నిర్మించిన పోలీస్‌ కమాండ్‌ కంట్రోల్‌ సెంటర్‌ ప్రారంభానికి సిద్ధమైంది. ముఖ్యమంత్రి కేసీఆర్​ చేతుల మీదుగా ఈ కేంద్రం రేపు ఘనంగా ప్రారంభం కానుంది. రేపు మధ్యాహ్నం ముఖ్యమంత్రి ఈ కేంద్రాన్ని ప్రారంభిస్తారని.. తెలంగాణ పోలీసు శాఖను దేశంలోనే ఆదర్శంగా నిలపటమే లక్ష్యంగా ఈ సెంటర్‌ రూపుదిద్దుకున్నట్లు హైదరాబాద్‌ సీపీ సీవీ ఆనంద్‌ తెలిపారు. అత్యాధునిక సాంకేతికత సదుపాయాలతో ఈ కేంద్రాన్ని రాష్ట్ర ప్రభుత్వం తీర్చిదిద్దినట్లు వెల్లడించారు.

"సాంకేతిక పరిజ్ఞానం వినియోగించుకోవటంలో ముందుండాలనే లక్ష్యంతో.. అన్ని విభాగాలను సమన్వయపరిచి ఒక ఫ్యూజన్​ సెంటర్​లా తీర్చిదిద్దాలని సీఎం కేసీఆర్​ తెలిపారు. ఇందులో చాలా ప్రత్యేకతలున్నాయి. దీన్ని పర్యవరణహిత భవనంగా కట్టాం. దీన్ని ఐదు టవర్లుగా విభజించాం. టవర్​-ఏలో హైదరాబాద్​ సిటీ పోలీస్ కమిషనరేట్​ ఉంటుంది. టవర్​-బీలో రాష్ట్రానికి సంబంధించిన అన్ని టెక్నాలజీస్​ ఉంటాయి. టవర్​-సీలో ఆడిటోరియం, టవర్​- డీలో మీడియా, టవర్​-ఈ అనేది కమాండ్​ కంట్రోల్​ సెంటర్​, డేటా సెంటర్​ ఉంటుంది. పర్యావరణహిత, ఐకానిక్​ భవనాన్ని రేపు ప్రారంభించేందుకు అన్ని సిద్ధం చేశాం." - సీవీ ఆనంద్​, హైదరాబాద్​ సీపీ

ఇవీ చూడండి: