ఏపీలో పది, ఇంటర్ పరీక్షల రద్దుకు కేంద్రం జోక్యం కోరుతూ కేంద్ర హోంమంత్రి అమిత్ షాకు తెలుగుదేశం జాతీయ ప్రధాన కార్యదర్శి నారా లోకేశ్ లేఖ రాశారు. దేశంలోని 14 రాష్ట్రాలతో పాటు ఐసీఎస్ఈ, సీబీఎస్ఈ బోర్డులు పరీక్షలు రద్దు చేశాయని గుర్తుచేశారు. ఏపీలో మాత్రం ఇందుకు విరుద్ధంగా చర్యలు ఉన్నాయన్నారు.
జూన్ 7 నుంచి వేలాది పరీక్షా కేంద్రాల్లో 6.70 లక్షల మంది విద్యార్థులకు పదో తరగతి పరీక్షలు నిర్వహించేందుకు ఏపీ ప్రభుత్వం ప్రయత్నాలు చేస్తోందని లేఖలో పేర్కొన్నారు. 5 లక్షలకు పైగా ఇంటర్ విద్యార్థులు పరీక్షల పట్ల అనిశ్చితిని ఎదుర్కొంటున్నారన్నారు.