దిల్లీలో శ్రద్ధా వాకర్ దారుణ హత్య మరువకముందే మరో ఘాతుకం జరిగింది. ప్రియురాలిని దారుణంగా హత్య చేసి మృతదేహంతో వీడియో తీసి సోషల్ మీడియాలో పోస్ట్ చేశాడు ఓ ప్రియుడు. ఈ ఘటన నవంబర్ 8న మధ్యప్రదేశ్ జబల్పుర్లోని ఓ రిసార్ట్లో జరిగింది. నిందితుడిని పటాన్కు చెందిన అభిజిత్ పాటిదార్గా గుర్తించారు పోలీసులు. ఈ ఘటన జరిగి వారం గడుస్తున్నా ఇప్పటికీ అతడిని అరెస్ట్ చేయలేదు.
ఈ వీడియోలో రక్తపు మడుగులో ఉన్న మృతురాలిని చూపిస్తూ తనను మోసం చేయవద్దంటూ నిందితుడు చెప్పాడని పోలీసులు తెలిపారు. మృతురాలిని జబల్పుర్ జిల్లాలోని కుందాం ప్రాంతానికి చెందిన శిల్పా ఝరియా(22) గుర్తించామని చెప్పారు. ఘటనా స్థలాన్ని పరిశీలించిన పోలీసులు.. సాక్ష్యాలను సేకరించారు. నిందితుడు గుజరాత్ నుంచి మధ్యప్రదేశ్కు వలస వచ్చాడని.. ఇన్స్ట్రాగ్రామ్లో వీడియో పోస్ట్ చేశాడని వివరించారు. నిందితుడు ఆచూకీ లభించిందని.. అతడిని అరెస్ట్ చేసేందుకు ప్రత్యేక బృందాలను పంపించామని వెల్లడించారు.