ఓ యువకుడు ప్యాంట్ జేబులో పెట్టుకున్న మొబైల్ ఫొన్ అకస్మాత్తుగా పేలిపోయింది. ఈ ఘటనలో అతడికి స్వల్ప గాయాలు అయ్యాయి. కేరళలోని కోజికోడ్లో జరిగిందీ ప్రమాదం.
కోజికోడ్ జిల్లాలోని పయ్యానక్కల్‌కు చెందిన 23 ఏళ్ల ఫారిస్ రెహమాన్ రైల్వేలో ఒప్పంద కార్మికుడిగా పనిచేస్తున్నాడు. రోజులాగానే మంగళవారం ఉదయం 7 గంటలకు కార్యాలయానికి చేరుకున్నాడు. అక్కడ ముఖం కడుక్కునేందుకు బాత్రూమ్కు వెళ్లాడు. ఈ క్రమంలోనే ఒక్కసారిగా ప్యాంట్ జేబులో ఉన్న 'Realme' కంపెనీకి సంబంధించిన ఫోన్ బ్లాస్ట్ అయింది. దీంతో అతడు ధరించిన జీన్స్ ప్యాంట్కు మంటలు అంటుకొని మొబైల్ పూర్తిగా కాలిపోయింది. అక్కడే ఉన్న సహోద్యోగులు మంటలను ఆర్పి రెహమాన్ను వెంటనే స్థానిక ఆస్పత్రికి తీసుకెళ్లారు.
పేలిన Realme 8 మొబైల్ ఫోన్ కోర్టులో దావా!
పేలుడుపై ఆగ్రహం వ్యక్తం చేస్తున్న బాధితుడు ఫారిస్ రెహమాన్.. Realme సంస్థపై వినియోగదారుల కోర్టులో ఫిర్యాదు చేయనున్నట్టు తెలిపాడు. రెండు సంవత్సరాల క్రితమే తాను ఈ Realme 8 మోడల్ మొబైల్‌ను కొనుగోలు చేసినట్లు చెప్పాడు. అయితే బ్యాటరీలో వేడి కారణంగానే మంటలు చెలరేగి ఉండొచ్చని ఫోన్లు రిపేర్ చేసే వారు చెబుతున్నారు.
ప్యాంట్ జేబులో మొబైల్ ఫోన్ బ్లాస్ట్.. యువకుడికి గాయాలు! ఫోన్ బ్లాస్ట్కు 8 ఏళ్ల చిన్నారి బలి..
అచ్చం ఇలాంటి ఘటనే గతనెల ఏప్రిల్ 24న త్రిసూర్‌ జిల్లాలో వెలుగు చూసింది. తిరువిలుఅమల ప్రాంతంలో మొబైల్ ఫోన్ పేలి ఎనిమిదేళ్ల ఆదిత్యశ్రీ అనే బాలిక మరణించింది. చిన్నారి తన తండ్రి మొబైల్‌లో వీడియోలు చూస్తూండగా ఒక్కసారిగా పేలుడు సంభవించింది. దీంతో ఆమె అక్కడికక్కడే మృతి చెందింది.
ఫోన్ పేలి వృద్ధుడు మృతి..
ఇలా మొబైల్ ఫోన్ల పేలుడు ఘటనలు గతంలోనూ అనేకం జరిగాయి. ఇటీవలే మధ్యప్రదేశ్లోని ఉజ్జయినిలో మొబైల్ ఫోన్ పేలి 60 ఏళ్ల దయారామ్ బరోద్ అనే వృద్ధుడు మరణించాడు. ఈ పేలుడు కారణంగా మృతుడి మెడ, ఛాతీ భాగాలలో తీవ్రంగా గాయాలయ్యాయి. అలాగే ఛార్జింగ్ పెట్టే స్విచ్ బోర్డు సైతం పూర్తిగా కాలిపోయింది.
ఇందౌర్కు చెందిన దీపక్ మృతుడు దయారామ్తో మాట్లాడేందుకు ఫోన్ కలిపాడు. అప్పుడు దయారాం ఫోన్ కలవలేదు. దీంతో దీపక్కు అనుమానం వచ్చింది. వెంటనే అతడు బంధువులకు సమాచారం అందించాడు. వారు ఘటనాస్థలికి చేరుకుని చూడగా దయారామ్ విగతజీవిగా పడిఉన్నాడు. వెంటనే వారు పోలీసులకు సమాచారం అందించారు. ఈ ఘటనపై కేసు నమోదు చేసుకున్న పోలీసులు దర్యాప్తు చేపట్టారు. ఈ వార్త పూర్తి వివరాల కోసం ఈ లింక్పై క్లిక్ చేయండి.
