విశ్వ యోగా దినోత్సవం సందర్భంగా రాజస్థాన్లో ఓ భాజపా పార్లమెంట్ సభ్యుడు అగ్ని యోగా సాధన చేశారు. ఓ పక్క ఎండ మండిపోతున్నా.. అగ్నివలయం నుంచి కదలలేదు ఆ ఎంపీ. అంతే కాదు... ఒళ్లంతా బురద పూసుకుని బురద స్నానం ఆచరించారు. జిమ్లో వ్యాయామం చేసి ప్రజలకు ఫిట్నెస్పై అవగాహన కల్పించారు.
చుట్టూ భగభగ మండే అగ్ని వలయాలు.. మధ్యలో ఒంటి కాలుపై తపస్సు చేసే మునులు, రుషులను సినిమాల్లో చూసుంటాం. కానీ, రాజస్థాన్లో ఓ భాజపా పార్లమెంట్ సభ్యుడు.. ఇంచుమించు ఇలాంటి సాధనే చేశారు. మండుటెండలో.. జ్వాలా వలయంలో నిలబడి యువతకు ఓ సందేశమిచ్చారు. ఏంటిదీ అంటారా? అయితే పూర్తి కథనం చదివేయండి...
టోంక్ జిల్లా, సవాయ్ మాధోపుర్ నియోజకవర్గం ఎంపీ సుఖ్బీర్ సింగ్ జోనాపురియా.. రోజుకు దాదాపు 4 గంటల పాటు వ్యాయామం, యోగా చేస్తారు. ఇలా చేసి కేవలం నాలుగు నెలల్లో దాదాపు 25 కిలోలు బరువు తగ్గారు. అందుకే, ఆయన పాటించిన ఫిట్నెస్ మంత్రాను ఈ తరం యువకులూ పాటించాలంటున్నారు. మనకంటూ మనం రోజుకో రెండు గంటల సమయాన్ని కేటాయించుకుని ఆరోగ్యంగా ఉండాలని పిలుపునిచ్చారు.
ఇదీ చదవండి:'రాహుల్జీ.. స్పెల్లింగ్ సరిచూడండి.. పరువుపోతోంది!'