బంగాల్లోని కోల్కత్తాలో కేవలం 6 కిలోమీటర్ల ప్రయాణం కోసం ఏకంగా రూ.9,200 డిమాండ్ చేశాడు ఓ అంబులెన్స్ డ్రైవర్. అంత సొమ్ము తాము చెల్లించలేమని బాధితులు వాపోగా.. తన వాహనం నుంచి దిగిపొమ్మన్నాడు ఆ వాహనదారుడు. చివరకు అక్కడి వైద్యులు జోక్యం చేసుకొని సర్దిచెప్పగా.. రూ. 2,000లకు తగ్గాడు.
అసలేం జరిగిందంటే.?
కోల్కతాలోని ఓ ప్రాంతంలో తొమ్మిది నెలలు, తొమ్మిదన్నరేళ్ల వయసున్న ఇద్దరు సోదరులు అనారోగ్యంతో ఇన్స్టిట్యూట్ ఆఫ్ ఛైల్డ్ హెల్త్(ఐసీహెచ్)లో చికిత్స పొందుతున్నారు. ఈ తరుణంలో కరోనా పరీక్షలు నిర్వహించగా.. వారివురికీ పాజిటివ్గా నిర్ధరణ అయింది. వారిని అంబులెన్స్ ద్వారా ప్రభుత్వాస్పత్రిలో తరలించే ప్రయత్నం చేశాడా తండ్రి.