LIVE : తెలంగాణ భవన్లో కేటీఆర్ మీడియా సమావేశం - ktr live
Published : May 2, 2024, 5:16 PM IST
|Updated : May 2, 2024, 5:47 PM IST
KTR Press meet Live (etv bharat)
KTR Press meet Live : అభ్యంతరకర వ్యాఖ్యలు చేశారనే సాకుతో ఎన్నికల కమిషన్, తెలంగాణ ఆవాజ్ కేసీఆర్ గొంతు పైనే నిషేధం విధించడం అరాచకమంటూ, బీఆర్ఎస్ వర్కింగ్ ప్రెసిడెంట్ కేటీఆర్ పేర్కొన్నారు. ఈసీ తీసుకున్న నిర్ణయంపై ఆయన నిరసన వ్యక్తం చేశారు. ఇవాళ హైదరాబాద్లో మీడియా సమావేశం నిర్వహించారు. ఈసందర్భంగా మాట్లాడుతూ మోదీ విద్వేష వ్యాఖ్యలు ఈసీకి వినిపించలేదా? అని ప్రశ్నించారు. మోదీ ప్రసంగాలపై వేల ఫిర్యాదులు వచ్చినా చర్యల్లేవు అంటూ ధ్వజమెత్తారు. రేవంత్ బూతులు ఈసీకి ప్రవచనాల్లాగా అనిపించాయా? అని విరుచుకుపడ్డారు. బడే భాయ్, చోటే భాయ్ కలిసి చేసిన కుట్ర కాదా ఇది అంటూ కేటీఆర్ తీవ్రస్థాయిలో దుయ్యబట్టారు. కేసీఆర్ పోరు బాట కార్యక్రమం చూసి ఎందుకు కాంగ్రెస్, బీజేపీ వాళ్లు వణికిపోతున్నారని ప్రశ్నించారు. బీజేపీ, కాంగ్రెస్ పార్టీల అహంకారానికి, సంస్థాగత దుర్వినియోగానికి తెలంగాణ ప్రజలు తగిన సమాధానం చెబుతారని స్పష్టం చేశారు. మరోవైపు బీఆర్ఎస్ నేత మన్నె క్రిశాంక్ అరెస్ట్ పట్ల కేటీఆర్ ఆగ్రహం వ్యక్తం చేశారు.
Last Updated : May 2, 2024, 5:47 PM IST