Beggar killed by officer in Armoor :నిజామాబాద్ జిల్లాలో దారుణం జరిగింది. ఓ అధికారి కోపం వల్ల ఒక యాచకుడి ప్రాణం పోయింది. యాచకుడిని కారులో ఉన్న అధికారి కాలితో తన్నడంతో పక్కనుంచి వెళ్తున్న టిప్పర్ కింద పడి మృతి చెందాడు. కేసు నమోదు చేసుకున్న పోలీసులు సీసీటీవీ దృశ్యాలు పరిశీలించడంతో అసలు విషయం బయటకు వచ్చింది.
Beggar Dies Of Road Accident :మృతుడు సూరజ్ సిగ్నళ్ల వద్ద వాహనాలు తూడుస్తూ యాచిస్తుంటాడు. ఈ నెల 22న సాయంత్ర ఆర్మూర్లోని మామిడిపల్లి చౌరస్తా వద్ద డిప్యూటీ తహసీల్దార్గా పని చేస్తున్న వ్యక్తి కారు వచ్చి ఆగింది. కారు అద్దాలు తుడిచిన యాచకుడు అధికారిని డబ్బులు అడిగాడు. అతను డబ్బులు లేవు అని చెప్పడంతో కారుకు అడ్డంగా నిల్చున్నాడు. అదే సమయంలో సిగ్నల్ పడటంతో డబ్బులు అడుగుతూ సూరజ్ అధికారి కారును వెంబడించాడు. ఈ క్రమంలో కోపోద్రిక్తుడైన సదరు అధికారి కారు నుంచి దిగి కాలితో తన్నాడు. దీంతో సూరజ్ నేరుగా పక్క నుంచి వెళ్తున్న టిప్పర్ వెనక టైర్ల కింద పడి అక్కడికక్కడే ప్రాణాలు కోల్పోయాడు.
సమ్మక్క - సారలమ్మలను దర్శించుకుని వస్తుండగా ప్రమాదం - బావ, బామ్మర్ది మృతి
ఈ ఘటనపై ఆగ్రహం చేసిన కుటుంబ సభ్యులు నేరుగా ఆర్మూర్ పోలీస్ స్టేషన్ వద్ద ఆందోళనకు దిగారు. అధికారిపై చర్యలు తీసుకుని బాధిత కుటుంబానికి న్యాయం చేయాలని డిమాండ్ చేశారు. కేసు నమోదు చేసుకున్న పోలీసులు దర్యాప్తు చేపట్టారు. సీసీటీవీలో నమోదైన ఘటన దృశ్యాల ఆధారంగా దర్యాప్తు చేస్తున్నామని పోలీసులు వెల్లడించారు.