Devara Item Song:గ్లోబల్ స్టార్ ఎన్టీఆర్- కొరటాల శివ కాంబోలో ప్రతిష్ఠాత్మకంగా తెరకెక్కుతున్న 'దేవర'పై ప్రేక్షకుల్లో అంచనాలు పెరిగిపోతున్నాయి. సినిమా గురించి రోజులో వార్త సోషల్ మీడియాలో ప్రచారంలోకి వస్తోంది. తాజాగా సినిమాపై మరో ఇంట్రెస్టింగ్ బజ్ క్రియేటైంది. ఈ సినిమాలో డైరెక్టర్ శివ ఐటమ్ సాంగ్ ప్లాన్ చేస్తున్నారట. మరి ఈ స్పెషల్ ఐటమ్ సాంగ్లో స్పెప్పులేయనున్నది ఎవరో తెలుసా?
దేవర ఐటమ్ సాంగ్ కోసం శివ గట్టిగానే సన్నాహాలు చేస్తున్నారు. ఇందుకోసం ఇద్దరు స్టార్ హీరోయిన్ల పేర్లను పరిశీలిస్తున్నారట. అందులో బుట్టబొమ్మ బ్యూటీ 'పూజా హెగ్డే', స్టార్ హీరోయిన్ 'కాజల్ అగర్వాల్' పేర్లు వినిపిస్తున్నాయి. అయితే కాజల్ ఇదివరకే శివ దర్శకత్వం వహించిన జనతా గ్యారేజ్ మూవీ 'పక్కా లోకల్' పాటకు స్పెప్పులేసింది. మరోవైపు రంగస్థలంలో 'జిగేలు రాణి' సాంగ్కు పూజా ఆడిపాడి ప్రేక్షకులను అలరించింది. దీంతో ఈ ఇద్దరిలో శివ ఎవరిని ఎంపిక చేసినా, సాంగ్ ఔట్పుట్ అదిరిపోతుందని మూవీ లవర్స్ అంటున్నారు. అయితే ఎన్టీఆర్ సరసన స్టెప్పులేసేందుకు పూజా ఇప్పటికే ఛాన్స్ కొట్టేసినట్లు సినీవర్గాల్లో టాక్ వినిపిస్తోంది.