Bill gates Toilet Ek Prem Katha :ఇంట్లో బాత్రూం లేకపోతే ఎంత ఇబ్బందిగా ఉంటుందో ప్రత్యేకంగా చెప్పనక్కర్లేదు. ఇప్పటి పరిస్థితిలో పోలిస్తే ఒకప్పుడు ఊర్లలో టాయ్ లెట్లు లేక మహిళలు ఎన్నో ఇబ్బందులు పడేవారు. అయితే ఇదే సమస్యపై 7 ఏళ్ల క్రితం ఓ సినిమా వచ్చింది బాక్సాఫీస్ వద్ద భారీ హిట్ను అందుకుంది. అదే టాయ్ లెట్ ఏక్ ప్రేమ్ కథా. రిలీజ్ అయినప్పుడే ఈ మూవీ బాక్స్ ఆఫీస్ దగ్గర మంచి సక్సెస్ అందుకుంది.
అప్పట్లో ఈ చిత్రానికి విమర్శకుల ప్రశంసలు కూడా దక్కాయి. సామాన్యుల నుంచి పెద్ద పెద్ద సెలబ్రిటీల వరకు చాలా మంది ఈ టాయ్లెట్ ఏక్ ప్రేమ్ కథాపై ప్రశంసలు కురిపించారు. ప్రధాన మంత్రి నరేంద్ర మోదీ కూడా సోషల్ మీడియాలో ఈ చిత్రాన్ని పొగుడుతూ పోస్ట్ కూడా పెట్టారు. అంతలా ఈ చిత్రం అందరినీ మెప్పించింది.
అయితే ఈ చిత్రంపై కేవలం భారతీయులు మాత్రమే ప్రశంసలు కురిపించలేదు. ఏకంగా మైక్రోసాఫ్ట్ సహా వ్యవస్థాపకుడు, బిలినీయర్ బిల్ గేట్స్ కూడా ప్రశంసించారు. "భారత దేశ శానిటేషన్ ఛాలెంజ్ను ప్రేక్షకుల్లో అవగాహన తెలిసేలా చేసింది ఈ టాయ్లెట్ ఏ లవ్ స్టోరీ చిత్రం" అంటూ ట్వీట్లో గతంలో రాసుకొచ్చారు.