சென்னையில் கொலைகள் சம்பவங்கள் அதிகரித்துவருதாக வருவதாகவும், சட்டம் ஒழுங்கு சீர்குலைந்து வருவதாகவும் அதிமுக, பாஜக உள்ளிட்ட கட்சிகள் குற்றச்சாட்டுகளை முன்வைத்து வந்தன. இந்த நிலையில் சென்னையில் சட்டம்-ஒழுங்கு மற்றும் குற்றப்பிரிவில் 32 காவல் ஆய்வாளர்களை பணியிட மாற்றம் செய்து காவல் ஆணையர் சங்கர் ஜிவால் உத்தரவிட்டுள்ளார்.
குறிப்பாக தலைமை செயலக காலனி காவல் நிலைய விசாரணை கைதி கொலை வழக்கில் காவல் ஆய்வாளர் செந்தில்குமார் பணியிட மாற்றம் செய்யப்பட்டார். இருப்பினும் அங்கு புதிய காவல் ஆய்வாளர் இடம் நியமிக்கப்படாமல் இருந்தது. தற்போது தலைமை செயலக காலனி காவல் ஆய்வாளராக கமலகண்ணன் நியமிக்கப்பட்டுள்ளார்.