டெல்லி: குடியரசு துணைத்தலைவர் தேர்தல், ஆகஸ்ட் 6ஆம் தேதி நடத்தப்படவுள்ளது. இதில் ஆளும் பாஜக கூட்டணி சார்பில், ஜெகதீப் தன்கர் வேட்பாளராக அறிவிக்கப்பட்டுள்ளார்.
எதிர்க்கட்சிகள் சார்பில், காங்கிரஸைச் சேர்ந்த மார்கரெட் ஆல்வா போட்டியிடுகிறார். இந்த நிலையில், பாஜக கூட்டணி வேட்பாளரான ஜெகதீப் தன்கர் இன்று பிரதமர் நரேந்திர மோடி முன்னிலையில் தனது வேட்புமனுவைத் தாக்கல் செய்தார். பாஜக தலைவர் ஜே.பி. நட்டா, மத்திய அமைச்சர்கள் அமித் ஷா, ராஜ்நாத் சிங், பசுபதி குமார் பராஸ், அனுப்ரியா படேல், ராம்தாஸ் அத்வாலே உள்ளிட்டோர் வேட்புமனு தாக்கலின்போது உடனிருந்தனர்.