ସୁନ୍ଦରଗଡ: ଟ୍ରକ ମାଲିକ କୋର କମିଟି ଦ୍ବାରା ସୁନ୍ଦରଗଡରେ 12 ଘଣ୍ଟିଆ ବନ୍ଦ ପାଳନ ହୋଇଛି । ସ୍ବତଃପ୍ରବୃତ୍ତ ଭାବେ ନିଜ ନିଜ ଦୋକାନ ବନ୍ଦ କରି ଟ୍ରକ ମାଲିକଙ୍କ ବନ୍ଦକୁ ସମର୍ଥନ ଜଣାଇଛନ୍ତି ସହରବାସୀ । କୋଇଲା ପରିବହନରେ ଉପୁଜିଥିବା ବିଭ୍ରାଟ, ସଠିକ ପରିବହନ ଭଡା ଧାର୍ଯ୍ୟ ନହେବା, ବ୍ୟବସ୍ଥାରେ ସ୍ବଚ୍ଛତା ନରଖିବା ଓ ଟ୍ରକ ମାଲିକଙ୍କୁ ଜିଲ୍ଲାପାଳ ଆଶା ଦେଇ ନିରାଶ କରିବାକୁ କେନ୍ଦ୍ରକରି ଏହି ଡାକରା ଦେଇଛି କୋର କମିଟି ।
ସୁନ୍ଦରଗଡରେ ଟ୍ରକ ମାଲିକ କୋର କମିଟିର 12 ଘଣ୍ଟିଆ ବନ୍ଦ, ସମର୍ଥନ ଜଣାଇଲେ ସହରବାସୀ
ଗୁରୁବାର ସନ୍ଧ୍ୟାରେ ଟ୍ରକ ମାଲିକ କୋର କମିଟି ସୁନ୍ଦରଗଡରେ 12 ଘଣ୍ଟିଆ ବନ୍ଦ ପାଳନ ନେଇ ନିଷ୍ପତ୍ତି ନେଇଥିଲେ । ଏଥିସହ ସହର ସାରା ବୁଲି ବୁଲି ଲୋକଙ୍କ ସମର୍ଥନ ଲୋଡିଥିଲେ । ଆଜି ଟ୍ରକ ମାଲିକଙ୍କ ଦ୍ବାରା କରାଯାଇଥିବା ସୁନ୍ଦରଗଡ ବନ୍ଦ ଡାକରାକୁ ପ୍ରାୟ ସମସ୍ତ ଶ୍ରେଣୀର ଲୋକେ ସହଯୋଗ କରିଛନ୍ତି । କେବଳ ସରକାରୀ ଅନୁଷ୍ଠା, ସ୍କୁଲ ଓ କଲେଜ ସମେତ ଔଷଧ ଦୋକାନ ପରି ଜରୁରୀ ସେବା ଚାଲୁ ରହିଛି ।