ଜିଲ୍ଲାରେ ହୋଇଛି ରେକର୍ଡ ସଂଖ୍ୟକ ବର୍ଷା । ଆଉ ବର୍ଷା ପାଣି ନିଷ୍କାସନ ହୋଇନ ପାରିବାରୁ କୃତ୍ରିମ ବନ୍ୟାର ଭ୍ରମ ଦେଖିବାକୁ ମିଳିଛି ବୌଦ୍ଧ ଜିଲ୍ଲା ସହରର ତଳିଆ ଅଞ୍ଚଳ ଗୁଡିକରେ । ଅଧିକ ପଢନ୍ତୁ...
ବୌଦ୍ଧ:ଜିଲ୍ଲାରେ ଲଘୁଚାପଜନିତ ବର୍ଷା ଯୋଗୁଁ କୃତ୍ରିମ ବନ୍ୟା ପରିସ୍ଥିତି ସୃଷ୍ଟି ହୋଇଛି । ଜିଲ୍ଲାର ଏକମାତ୍ର ପୌରାଞ୍ଚଳରେ ଓ୍ବାଟର ଲଗିଂ ହୋଇ ବିଭିନ୍ନ ବସ୍ତିରେ ନର୍ଦ୍ଦମା ପାଣି ପଶି ଯାଇଥିବାବେଳେ ପ୍ରସିଦ୍ଧ ଶ୍ରୀରାମ ମନ୍ଦିର ଓ ଖୋଦ ପୌର ଅଧିକାରୀଙ୍କ ବାସଭବନରେ ବର୍ଷା ପାଣି ପଶିଯାଇଛି ।
ତେବେ ଜିଲ୍ଲାର ଏକମାତ୍ର ପୌରାଞ୍ଚଳ ବୌଦ୍ଧରେ କିନ୍ତୁ ବିପର୍ଯ୍ୟସ୍ତ ଡ୍ରେନେଜ ବ୍ୟବସ୍ଥା ଯୋଗୁଁ ବିଭିନ୍ନ ବସ୍ତିରେ ନର୍ଦ୍ଦମା ପାଣି ବାସଗୃହ ଗୁଡିକରେ ପଶିଯାଇଛି । ବୌଦ୍ଧ ପୌରାଞ୍ଚଳର ଖଲିଆବଗିଚା, ବାବୁସାହି, ଖଦାଳସାହି, ମୁସଲିମ ପଡା ଭଳି ଅନେକ ବସ୍ତିର ତଳିଆ ଅଞ୍ଚଳରେ ବସବାସ କରୁଥିବା ଲୋକଙ୍କ ଘର ଭିତରେ ନର୍ଦ୍ଦମା ପାଣି ପଶିଯାଇଛି । ଏପରିକି ଖୋଦ ପୌର ଅଧିକାରୀଙ୍କ ବାସଭବନରେ ଓ ଜିଲ୍ଲାର ପ୍ରସିଦ୍ଧ ଶ୍ରୀରାମ ମନ୍ଦିର ପରିସରରୁ ବର୍ଷା ପାଣି ନିଷ୍କାସନ ହୋଇନପାରି ବନ୍ୟା ପରିସ୍ଥିତି ସୃଷ୍ଟି ହୋଇଛି । ତେବେ ବୌଦ୍ଧ ସହରର ଡ୍ରେନେଜ ବ୍ୟବସ୍ଥାକୁ ନେଇ ବୁଦ୍ଧିଜୀବୀ ମାନେ ତୀବ୍ର ପ୍ରତିକ୍ରିୟା ପ୍ରକାଶ କରିଛନ୍ତି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ