ବୌଦ୍ଧ: ଡଙ୍ଗା ବୁଡି ଘଟଣାର ତୃତୀୟ ଦିନ ପରେ ମଧ୍ୟ ନିଖୋଜ ଶିଶୁର କୌଣସି ପତ୍ତା ମିଳୁନାହିଁ । ଅଗ୍ନିଶମ ଏବଂ ଓଡ୍ରାଫ ଟିମ୍ ସର୍ଚ୍ଚ ଅପରେସନ ଜାରି ରଖି ଥିବାବେଳେ ବର୍ତ୍ତମାନ ମଧ୍ୟ ଜିଲ୍ଲାର ବିଭିନ୍ନ ନଦୀଘାଟରେ ଲୋକେ ବିପଦ ଶଙ୍କୁଳ ଭାବରେ ନୌକା ଯାତ୍ରା କରୁଛନ୍ତି ।
ଘଟଣାର ପ୍ରାୟ ତିନି ଘଣ୍ଟା ପରେ ଘଣ୍ଟାପଡା ପୋଲିସ, ଅଗ୍ନିଶମ ଏବଂ ଓଡ୍ରାଫ ଟିମ୍ ପହଞ୍ଚି ଥିଲେ । 3 ଦିନ ଧରି ସର୍ଚ୍ଚ ଅପରେସନ ଜାରି ରହିଥିଲେ ମଧ୍ୟ ସମ୍ପୃକ୍ତ ଶିଶୁର କୌଣସି ପତ୍ତା ମିଳିନାହିଁ । ସେପଟେ ବର୍ତ୍ତମାନ ମଧ୍ୟ ବୌଦ୍ଧ ଜିଲ୍ଲାର ତେଲନଦୀ ଓ ମହାନଦୀର ବିଭିନ୍ନ ନଦୀଘାଟରେ ଲୋକେ ବିପଦ ଶଙ୍କୁଳ ଅବସ୍ଥାରେ ନୌକା ଯାତ୍ରା କରୁଛନ୍ତି । ବିଶେଷ ଭାବରେ ଜିଲ୍ଲାର ବାଉଁଶୁଣୀ, କରଡି, ମର୍ଜାକୁଦ, ଧଳପୁର, ଡିଆଁଘାଟ ଭଳି ଅଞ୍ଚଳର ଅଧିବାସୀ ଡଙ୍ଗା ଉପରେ ନିର୍ଭର କରି ଚଳୁଛନ୍ତି । ଏନେଇ ପ୍ରଶାସନ ପକ୍ଷରୁ ତୁରନ୍ତ ଦୃଷ୍ଟି ଦେବାକୁ ଦାବି ହୋଇଛି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ