ବୈତରଣୀରେ ଟଳିଲା ବନ୍ୟା ଆଶଙ୍କା, ଚାଷକୁ ନେଇ ଚିନ୍ତାରେ ଚାଷୀ

ଭଦ୍ରକ: ଜିଲ୍ଲାର ବୈତରଣୀ ନଦୀରେ ଟଳିଲା ବନ୍ୟା ଆଶଙ୍କା । ହେଲେ ଏବେ ବି ବନ୍ୟା ଜଳ ବହୁ ତଳି ଅଞ୍ଚଳରେ ରହିଥିବା କାରଣରୁ ଲୋକଙ୍କ ସମସ୍ୟା ଦୂର ହୋଇନାହିଁ । ତିହିଡି ଓ ଚାନ୍ଦବାଲି ଅଞ୍ଚଳର ହେକ୍ଟର ହେକ୍ଟର ଚାଷଜମି ବନ୍ୟା ଜଳରେ ବୁଡି ରହିଛି । ଫଳରେ ଚାଷ ଜମି ଏବେ ନଷ୍ଟ ହେବାକୁ ବସିଲାଣି । ଯାହାକୁ ନେଇ ଏବେ ଚିନ୍ତାରେ ଚାଷୀ।

ତେବେ ଅଦ୍ୟାବଧି କେତେ ବନ୍ୟା ଯୋଗୁଁ କେତେ ପରିମାଣର ଚାଷଜମି କ୍ଷତିଗ୍ରସ୍ତ ହୋଇଛି ସେନେଇ ପ୍ରଶାସନ ପକ୍ଷରୁ ତଦନ୍ତ ଜାରୀ ରହିଛି ବୋଲି ସୂଚନା ମିଳିଛି । ତେଣୁ ଚାଷ କ୍ଷୟକ୍ଷତିର ଆକଳନ ସରିବା ପରେ ପ୍ରଶାସନ ପକ୍ଷରୁ ଏନେଇ ପ୍ରତିକ୍ରିୟା ପ୍ରକାଶ କରାଯିବ ବୋଲି ଜଣାପଡିଛି।

ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ