ହାଇଦ୍ରାବାଦ: ଓସ୍କାର 2022 (Oscars 2022) ସମାରୋହରେ କ୍ରିସ୍ ରକ୍ଙ୍କୁ ସମସ୍ତଙ୍କ ସାମ୍ନାରେ ଚାପୁଡା ମାରିବା ପରେ ୱିଲ୍ ସ୍ମିଥ୍ କ୍ଷମା ମାଗିଛନ୍ତି । ୱିଲ୍ ସ୍ମିଥ୍ ସର୍ବସାଧାରଣରେ କ୍ଷମା ପ୍ରାର୍ଥନା କରିଛନ୍ତି ଏବଂ ସ୍ୱୀକାର କରିଛନ୍ତି ଯେ, ସେ ଯାହା କରିଛନ୍ତି ତାହା ଭୁଲ ଅଟେ । କେବଳ ଏତିକି ନୁହେଁ, ଅଭିନେତା ତାଙ୍କ କାର୍ଯ୍ୟ ପାଇଁ ଲଜ୍ଜିତ ମଧ୍ୟ । ୱିଲ ସ୍ମିଥ ତାଙ୍କ ସୋସିଆଲ ମିଡିଆ ଆକାଉଣ୍ଟ ଇନଷ୍ଟାଗ୍ରାମରେ କ୍ଷମା ପ୍ରାର୍ଥନା କରିଛନ୍ତି। ଯେଉଁଥିରେ ଲେଖାଯାଇଛି 'ହିଂସା କୌଣସି ବି ରୂପରେ ବିଷାକ୍ତ ଏବଂ ବିନାଶକାରୀ ହୋଇଥାଏ । ଗତ ରାତିର ଏକାଡେମୀ ପୁରସ୍କାରରେ ମୋର ଆଚରଣ ଗ୍ରହଣୀୟ ନୁହେଁ । ଜେଡାଙ୍କ ଚିକିତ୍ସା ଅବସ୍ଥାକୁ ପରିହାସ କରିବା ମୋର ସହନଶୀଳତା ବାହାରେ ଥିଲା ଏବଂ ମୁଁ ଭାବୁକ ହୋଇ ରିଆକ୍ଟ କରିଦେଲି ।'
'କ୍ରିସ୍, ମୁଁ ସର୍ବସାଧାରଣରେ କ୍ଷମା ମାଗିବାକୁ ଚାହୁଁଛି । ମୁଁ ଲାଇନ ଅତିକ୍ରମ କରିଦେଇଥିଲି, ମୁଁ ଭୁଲ୍ ଥିଲି । ମୁଁ ଲଜ୍ଜିତ । ପ୍ରେମ ଏବଂ ଦୟାର ଦୁନିଆରେ ହିଂସା ପାଇଁ ସ୍ଥାନ ନାହିଁ । ମୁଁ ମଧ୍ୟ ଏକାଡେମୀ, ଶୋ’ର ନିର୍ମାତା, ସମସ୍ତ ଉପସ୍ଥିତ ବ୍ୟକ୍ତି ଏବଂ ସମଗ୍ର ବିଶ୍ୱରେ ଦେଖୁଥିବା ସମସ୍ତ ବ୍ୟକ୍ତିଙ୍କୁ କ୍ଷମା ମାଗିବାକୁ ଚାହେଁ । ମୁଁ ୱିଲିୟମ୍ସ ପରିବାର ଏବଂ ମୋର ରାଜା ରିଚାର୍ଡ ପରିବାରକୁ କ୍ଷମା ମାଗିବାକୁ ଚାହୁଁଛି । ମୁଁ ଗଭୀର ଦୁଃଖିତ ଯେ, ମୋର ଏହିଭଳି ଆଚରଣ ଏହି ସୁନ୍ଦର ଯାତ୍ରାରେ ଏକ ଦାଗ ଲାଗିଗଲା । ମୁଁ ଏହା ଉପରେ କାମ କରୁଛି ଏବଂ କରିବି ।'
ସୂଚନାଯୋଗ୍ୟ ଯେ, ଡକ୍ୟୁମେଣ୍ଟାରୀ ଫିଚର୍ ପାଇଁ ଓସ୍କାର ପୁରସ୍କାର ଉପସ୍ଥାପନ କରିବାକୁ କ୍ରିସ୍ ରକ୍ ମଞ୍ଚକୁ ଆସିଥିଲେ । ଏହି ସମୟରେ, କ୍ରିସ୍ ରକ୍ ୱିଲ୍ ସ୍ମିଥଙ୍କ ପତ୍ନୀଙ୍କ କେଶ ଉପରେ ମନ୍ତବ୍ୟ ଦେଇଥିଲେ, ଯେଉଁଥିପାଇଁ ସ୍ମିଥ୍ ରାଗି ଯାଇଥିଲେ । ଏବଂ ସେ ମଞ୍ଚକୁ ଯାଇ କ୍ରିସ୍ ରକ୍ଙ୍କ ମୁହଁରେ ଚାପୁଡା ମାରିଥିଲେ । G.I Jane 2 ଫିଲ୍ମକୁ ନେଇ କ୍ରିସ୍ ରକ୍ ୱିଲ୍ ସ୍ମିଥଙ୍କ ପତ୍ନୀ ଜେଡା ପିଙ୍କେଡ ସ୍ମିଥଙ୍କୁ ପରିହାସ କରିଥିଲେ ।