ଇସଲାମବାଦ: ପାକିସ୍ତାନରେ ରାଜନୈତିକ ଅସ୍ଥିରତା ଲାଗି ରହିଛି । ତେବେ ଏଭଳି ସ୍ଥିତିରେ ଲାହୋରରେ ଆଗାମୀ ୭ ଦିନ ପାଇଁ ବିରୋଧ ପ୍ରଦର୍ଶନ ଉପରେ ରୋକ ଲଗାଯାଇଛି । ଏହାସହ ୧୪୪ ଧାରା ଲାଗୁ କରାଯାଇଛି । ପାକିସ୍ତାନର ପଞ୍ଜାବ ଗୃହ ବିଭାଗ ପକ୍ଷରୁ ଏହି ପଦକ୍ଷେପ ଗ୍ରହଣ କରାଯାଇଛି । ତେବେ ଗତକାଲି(ବୁଧବାର) ପିଟିଆଇ କର୍ମୀଙ୍କ ବିରୁଦ୍ଧରେ ମାତ୍ରାଧିକ କାର୍ଯ୍ୟାନୁଷ୍ଠାନ ଗ୍ରହଣ କରିଛି ପୋଲିସ । ଆନ୍ଦୋଳନକାରୀଙ୍କ ବିରୁଦ୍ଧରେ ପାଣିମାଡ କରିଥିବା ବେଳେ ଜଣେ ପିଟିଆଇ କର୍ମୀଙ୍କ ମୃତ୍ୟୁ ହୋଇଥିବା ସୂଚନା ମିଳିଛି । ପୋଲିସର ଆକ୍ରମଣ ଯୋଗୁଁ ପିଟିଆଇ କର୍ମୀଙ୍କ ମୃତ୍ୟୁ ହୋଇଥିବାରୁ ଏହା ଏକ ଲଜ୍ଜା ଜନକ ବିଷୟ ବୋଲି କହିଛନ୍ତି ଇମ୍ରାନ ।
ଗୃହ ମନ୍ତ୍ରାଳୟ ପକ୍ଷରୁ ଜାରି କରାଯାଇଥିବା ବିଜ୍ଞପ୍ତି ଅନୁସାରେ, ଆଗାମୀ ୭ ଦିନ ଯାଏଁ ଲାହୋରରେ ସମସ୍ତ ପରିକାର ରାଲି, ସଭା ଏବଂ ବିରୋଧ ପ୍ରଦର୍ଶନ ଉପରେ ପ୍ରତିବନ୍ଧକ ରହିବ । ଏଥିପାଇଁ ୧୪୪ ଧରା ମଧ୍ୟ ଲଗାଯାଇଛି ।"
ଗତକାଲି(ବୁଧବାର) ପିଟିଆଇ ଲାହୋରରେ ରାଲି ଘୋଷଣା କରିଥିଲା । ତେବେ ୧୪୪ ଧାରା ଉଲଂଘନ କରିବା ଅଭିଯୋଗରେ ପିଟିଆଇ କର୍ମୀଙ୍କୁ ଗିରଫ କରିଛି ପେଲିସ । ଏନେଇ ପିଟିଆଇ ପକ୍ଷରୁ ଟ୍ବିଟରରେ ଏକ ଭିଡିଓ ସେୟାର କରାଯାଇଛି । ଶାନ୍ତି ବଜାୟ ରଖିଥିବା କର୍ମୀମାନଙ୍କୁ ପୋଲିସ ଗିରଫ କରିଥିବା ନେଇ ପିଟିଆଇ ଅଭିଯୋଗ କରିଛି ।