ନୂଆଦିଲ୍ଲୀ:ଲାଗି ରହିଥିବା ଚର୍ଚ୍ଚାରେ ପୂର୍ଣ୍ଣଚ୍ଛେଦ ପକାଇ ବିଧିବଦ୍ଧ ଭାବେ ଭାରତୀୟ ଜନତା ପାର୍ଟିରେ ସାମିଲ ହୋଇଛନ୍ତି ପୂର୍ବତନ ପଞ୍ଜାବ ମୁଖ୍ୟମନ୍ତ୍ରୀ କ୍ୟାପଟେନ ଅମରିନ୍ଦର ସିଂ (Amarinder Singh joins BJP) । ସେ ଆଜି (ସୋମବାର) ବିଜେପି ମୁଖ୍ୟାଳୟରେ କେନ୍ଦ୍ରମନ୍ତ୍ରୀ ନରେନ୍ଦ୍ର ସିଂ ତୋମାର, କେନ୍ଦ୍ରମନ୍ତ୍ରୀ କିରଣ ରିଜଜୁଙ୍କ ଉପସ୍ଥିତିରେ ପଦ୍ମ ଧରିଛନ୍ତି । ଏହା ସହ ତାଙ୍କ ଦଳ ପଞ୍ଜାବ ଲୋକ କଂଗ୍ରେସ (PLC) ମଧ୍ୟ ବିଜେପିରେ ବିଲୟ ହୋଇଛି । (Amarinder Singh merges his PLC with BJP)। କେନ୍ଦ୍ରମନ୍ତ୍ରୀ ତୋମାର କ୍ୟାପଟେନ ସିଂଙ୍କୁ ପୁଷ୍ପଗୁଚ୍ଛ ଦେଇ ସ୍ବାଗତ କରିବା ସହ ଦଳର ପ୍ରାଥମିକ ସଦସ୍ୟତା ପ୍ରଦାନ କରିଛନ୍ତି । ପଞ୍ଜାବ ବିଧାନସଭା ନିର୍ବାଚନ ଫଳାଫଳ ପରେ କ୍ୟାପଟେନ ବିଜେପିରେ ସାମିଲ ହେବା ନେଇ ଚର୍ଚ୍ଚା ଆରମ୍ଭ ହୋଇଥିଲା । ସେ ନିଜେ ମଧ୍ୟ ଦିଲ୍ଲୀ ଆସି ଏକାଧିକ ବରିଷ୍ଠ ବିଜେପି ନେତାଙ୍କୁ ସାକ୍ଷାତ କରିଥିଲେ । ନିକଟରେ ସେ କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କୁ ମଧ୍ୟ ଭେଟି ଦୀର୍ଘ ସମୟର ଆଲୋଚନା ପରେ ସେ ଖୁବଶୀଘ୍ର ବିଜେପିରେ ମିଶିବା ଚର୍ଚ୍ଚା ଘନୀଭୂତ ହୋଇଥିଲା ।
ଭାରତୀୟ ଜନତା ପାର୍ଟିରେ ସାମିଲ ହୋଇଛନ୍ତି ପୂର୍ବତନ ପଞ୍ଜାବ ମୁଖ୍ୟମନ୍ତ୍ରୀ କ୍ୟାପଟେନ ଅମରିନ୍ଦର ସିଂ (Amarinder Singh joins BJP)। ନୂଆଦିଲ୍ଲୀ ସ୍ଥିତ ବିଜେପି ମୁଖ୍ୟାଳୟରେ କେନ୍ଦ୍ରମନ୍ତ୍ରୀ ନରେନ୍ଦ୍ର ସିଂ ତୋମାର ଓ କିରଣ ରିଜଜୁଙ୍କ ଉପସ୍ଥିତିରେ କ୍ୟାପଟେନ ଅମରିନ୍ଦର ପଦ୍ମ ଧରିଛନ୍ତି । ଅଧିକ ପଢନ୍ତୁ
ଶେଷରେ ଆଜି ସମସ୍ତ ଚର୍ଚ୍ଚାରେ ପୂର୍ଣ୍ଣଚ୍ଛେଦ ପକାଇଛନ୍ତି କ୍ୟାପଟେନ ସିଂ (Amarinder Singh joins BJP )। ଆଜି ଏହି ମିଶ୍ରଣ କାର୍ଯ୍ୟକ୍ରମରେ ନିକଟରେ କଂଗ୍ରେସ ଛାଡି ବିଜେପିରେ ମିଶିଥିବା ବରିଷ୍ଠ ନେତା ସୁନୀଲ ଜାଖର ଓ ପଞ୍ଜାବ ପ୍ରଦେଶ ବିଜେପି ଅଧ୍ୟକ୍ଷ ଅଶ୍ବିନୀ ଶର୍ମା ମଧ୍ୟ ଉପସ୍ଥିତ ଥିଲେ । କଂଗ୍ରେସରେ ଦଳୀୟ କନ୍ଦଳ ମଧ୍ୟରେ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇଥିଲେ କ୍ୟାପଟେନ ସିଂ । ପରେ ସେ ଦଳର ପ୍ରାଥମିକ ସଦସ୍ୟ ପଦରୁ ମଧ୍ୟ ଇସ୍ତଫା ଦେଇଥିଲେ । କୌଣସି ଦଳକୁ ନଯାଇ ପଞ୍ଜାବ ଲୋକ କଂଗ୍ରେସ ନାମରେ ଏକ ଦଳ ଗଢି ରାଜ୍ୟ ବିଧାନସଭା ନିର୍ବାଚନରେ ପ୍ରତିଦ୍ବନ୍ଦ୍ବିତା କରିଥିଲେ । ହେଲେ ଉକ୍ତ ନର୍ବାଚନର ଫଳାଫଳ ରାଜ୍ୟ ରାଜନୀତିର ଇତିହାସ ହିଁ ବଦଳାଇ ଦେଇଥିଲା ।
ଶାସନରେ ଥିବା କଂଗ୍ରେସ ମଧ୍ୟ କ୍ଷମତାରୁ ବେଦଖଲ ହୋଇଥିଲା ବେଳେ ବିଜେପି, କ୍ୟାପଟେନଙ୍କ ଲୋକ କଂଗ୍ରେସ ସମେତ ଅନ୍ୟ କିଛି ଦଳ AAP ଲହରରେ ଧରାଶାୟୀ ହୋଇଥିଲେ । ରାଜ୍ୟରେ କେଜ୍ରିଓ୍ବାଲ ନେତୃତ୍ବାଧୀନ AAP ସରକାର ଗଠନ କରିବା ସହ ଭାଗଓ୍ବାନ୍ତ ମାନ ମୁଖ୍ୟମନ୍ତ୍ରୀ ହୋଇଥିଲେ । ସେବେଠାରୁ କ୍ୟାପଟେନ ଅମରିନ୍ଦର ସିଂ ବିଜେପିରେ ସାମିଲ ହେବା ଚର୍ଚ୍ଚା ଲାଗି ରହିଥିବା ବେଳେ ତାହା ଆଜି ବାସ୍ତବରେ ପରିଣତ ହୋଇଛି । ଏହି ଅବସରରେ କ୍ୟାପଟେନଙ୍କୁ ପ୍ରଂଶସା କରିବା ସହ ତାଙ୍କ ମୁଖ୍ୟମନ୍ତ୍ରୀତ୍ବ ସମୟରେ ସେ ଜାତୀୟ ସ୍ବାର୍ଥକୁ ରାଜନୀତି ଠାରୁ ଊର୍ଦ୍ଧ୍ବରେ ରଖିଥିବା କହିଥିଲେ କେନ୍ଦ୍ରମନ୍ତ୍ରୀ କିରଣ ରିଜିଜୁ ।
ବ୍ୟୁରୋ ରିପୋର୍ଟ, ଇଟିଭି ଭାରତ