Brutal torture on old woman ସମ୍ବଲପୁର: ଶାଶୁ-ବୋହୂ କଳିର କରୁଣ ପରିଣତି । ସାମାନ୍ୟ ବଚସାକୁ କେନ୍ଦ୍ର କରି ବୃଦ୍ଧା ଶାଶୁକୁ କେନାଲରେ ଠେଲିଦେଲା ନିର୍ଦ୍ଦୟ ବୋହୂ । ଏଭଳି ଏକ ସମ୍ବେଦନଶୀଳ ଘଟଣା ସାମ୍ନାକୁ ଆସିଛି ସମ୍ବଲପୁର ଜିଲ୍ଲା ବୁର୍ଲା ଥାନା ଅଞ୍ଚଳରୁ l ତେବେ ବିଳମ୍ବିତ ରାତିରେ ସ୍ଥାନୀୟ ଲୋକଙ୍କ ସହାୟତାରେ ପୋଲିସ ବୃଦ୍ଧାଙ୍କୁ କେନାଲରୁ ଉଦ୍ଧାର କରିବା ସହ ହସ୍ପିଟାଲରେ ଭର୍ତ୍ତି କରିଛି । ଏହି ଘଟଣାରେ ଅଭିଯୁକ୍ତ ବୋହୂକୁ ଗିରଫ କରାଯାଇଛି ।
ସୂଚନା ମୁତାବକ, ଗତ ରବିବାର ରାତିରେ ଖାଦ୍ୟ ବାଢ଼ିବାକୁ ନେଇ ବୁର୍ଲା ଥାନା ମାଝୀପାଲିର ଟେମ୍ପୋରାରି କଲୋନିରେ ରହୁଥିବା ଲୟ ଭୁଏ(୬୮) ଙ୍କ ସହ ତାଙ୍କ ବୋହୂ ସବିତା ଭୁଏଙ୍କର ଝଗଡ଼ା ହୋଇଥିଲା । ଏନେଇ ସବିତାଙ୍କୁ ତାଙ୍କ ସ୍ବାମୀ ରାଧେଶ୍ୟାମ ଭୁଏ ବୁଝାଇବାକୁ ଚେଷ୍ଟା କରିଥିଲେ | ମାତ୍ର ସବିତା ରାଗିଯାଇ ରାତି ପ୍ରାୟ ୧୧ଟାରେ ତାଙ୍କ ଶାଶୁ ଲୟଙ୍କୁ ଘରୁ ବାହାରକୁ ଟାଣି ଆଣିଥିଲେ । ବାହାରପଟୁ ତାଲା ଦେଇ ସ୍ୱାମୀଙ୍କୁ ଘରେ ବନ୍ଦ କରିଦେଲେ l ଏହାପରେ ନିଜ ଶାଶୁଙ୍କୁ ମାଡ଼ ମାରିବା ସହ ପାୱାର୍ ଚ୍ୟାନେଲ୍କୁ ଫିଙ୍ଗି ଦେଇଥିଲେ ।
ଏହା ମଧ୍ୟ ପଢନ୍ତୁ - ସମ୍ପତ୍ତି ଲୋଭରେ ବାପା ମା'ଙ୍କୁ ପୁଅ ବୋହୂଙ୍କ ନିର୍ଦ୍ଧୁମ ମାଡ଼ : ଥାନାର ଦ୍ୱାରସ୍ଥ ବୃଦ୍ଧ ଦମ୍ପତି
ଏହା ମଧ୍ୟ ପଢନ୍ତୁ - ଖାଦ୍ୟରେ ନିଶା ଦେଇ ବୋହୂ ଫେରାର; ପୁଅକୁ ଛାଡ଼ିଦେଇ ଝିଅକୁ ନେଇଗଲେ, ଚିନ୍ତାରେ ପରିବାର
ବୃଦ୍ଧା ପାଣିରେ ଭାସିଯାଉଥିବା ବେଳେ ପାଖରେ ଥିବା ଏକ ଲୁହା ବ୍ରିଜ୍ର ଗୋଟିଏ ଖମ୍ବକୁ ଧରି ଅଟକି ରହିବା ସହ ବଞ୍ଚାଇବାକୁ ଡାକ ଛାଡ଼ିଥିଲେ । ତାଙ୍କ ଚିତ୍କାର ଶୁଣି ସ୍ଥାନୀୟ ଲୋକେ ପହଞ୍ଚିବା ସହ ପୋଲିସକୁ ଖବର ଦେଇଥିଲେ । ବୁର୍ଲା ଥାନାଧିକାରୀ ଅନିଲ ପ୍ରଧାନ, ଏସ୍ଆଇ ଦେବାଶିଷ ଖିଲାର ଓ ଅନ୍ୟ କର୍ମଚାରୀ ତୁରନ୍ତ ଘଟଣାସ୍ଥଳରେ ପହଞ୍ଚିଥିଲେ । ଅଗ୍ନିଶମ ବାହିନୀ ଓ ସ୍ଥାନୀୟ ଯୁବକଙ୍କ ସହାୟତାରେ ଲୟ ଭୁଏଙ୍କୁ ଉଦ୍ଧାର କରି ଭୀମ୍ସାରରେ ଭର୍ତ୍ତି କରାଯାଇଛି । ଲୟ ଏବେ ସେଠାରେ ଚିକିତ୍ସାଧୀନ ଅଛନ୍ତି । ତାଙ୍କ ପୁଅ ରାଧେଶ୍ୟାମ ଲିଖିତ ଅଭିଯୋଗ କରିବା ପରେ ପୋଲିସ ଏକ ମାମଲା ରୁଜୁ କରି ଘଟଣାର ତଦନ୍ତ କରୁଛି l ସେପଟେ ଅଭିଯୁକ୍ତ ବୋହୂ ବୁର୍ଲା ବୋର୍ଡ କଲୋନୀର ଜଣେ ସମ୍ପର୍କୀୟଙ୍କ ଘରେ ଲୁଚିଥିବା ବେଳେ ପୋଲିସ ତାଙ୍କୁ ଗିରଫ କରିଛି l
ଇଟିଭି ଭାରତ, ସମ୍ବଲପୁର
