चंद्रपूर: शहरात विविध भागात मोठ्या प्रमाणात जुगार अड्डे सुरू आहेत. पडोली परिसरात मोठ्या प्रमाणात जुगार सुरू असल्याची गुप्त माहिती पोलिसांना मिळाली होती. यानंतर उपविभागीय पोलीस अधिकारी नंदनवार यांच्याकडून परवानगी आदेश प्राप्त करुन सापळा रचण्यात आला. पोलीस स्टेशन पडोली व स्थानिक गुन्हे शाखा चंद्रपूर यांनी संयुक्त कारवाई केली.
जुगाराचा खेळ चालू होता: पोलीस निरीक्षक एस. बी. कदम, स्थानिक गुन्हे शाखाचे पोलीस निरीक्षक कोंडावार यांच्या मार्गदर्शनाप्रमाणे, कोसारा फाटा ते छोटा नागपूर मार्गावर काँग्रेसचे नगरसेवक करीमलाला याच्या भंगाराच्या दुकानात हा जुगार सुरू असल्याची खात्रीशीर महिती मिळाली. त्यानुसार रस्त्याच्या बाजूला असणाऱ्या भंगाराच्या दुकानात पत्र्याचे छत असलेल्या बंद खोलीत भंगार दुकान मालक करीमलाला काझी हा काही इसमांना कट पत्यावर पैश्याची बाजी लावून खेळत असल्याचे निदर्शनास आले. हारजिकचा जुगार भरवून जुगाराचा खेळ खेळीत आहे. यात एकून १७ आरोपी ईसम कट पत्यावर पैश्याची बाजी लावून हारजिकचा खेळ खेळीत असतांनी मिळून आले. आरोपींची अंगझडतीत नगदी असे 37 हजार रूपये जप्त करण्यात आले.