सिंधूच्या सुवर्ण कामगिरीनंतर कुटुंबीयांचा जल्लोष

सलग दोनदा जगजेतेपदाने हुलकावणी दिल्यानंतर आज पी. व्ही. सिंधूने अखेर विजेतेपदाला गवसणी घातली. सिंधूच्या विजयानंतर तिच्या कुटुंबीयांनी जल्लोष केला आहे.

हैदराबाद - सलग दोनदा जगजेतेपदाने हुलकावणी दिल्यानंतर आज पी. व्ही. सिंधूने अखेर विजेतेपदाला गवसणी घातली. सिंधूच्या विजयानंतर तिच्या कुटुंबीयांनी जल्लोष केला आहे. सोबतच सिंधूच्या सर्व समर्थकांचेही त्यांनी आभार व्यक्त केले. सिंधूनेही तिचे विजेतेपद तिच्या आईला (विजयालक्ष्मी) वाढदिवसाची भेट म्हणून समर्पित केले आहे.

अंतिम सामन्यात सिंधूने जपानची खेळाडू नाओमी ओकुहारा हिचा अवघ्या ३६ मिनिटात २१-७, २१-७ ने धुव्वा उडवला. सिंधूच्या सुवर्ण विजयानंतर संपुर्ण देशभरातून तिच्यावर अभिनंदनाचा वर्षाव होत आहे.