मुंबई - Bigg Boss 17: 'बिग बॉस 17' या टीव्ही रिअ‍ॅलिटी शोमध्ये खानजादीच्या तब्येतीचा मुद्दा सतत चर्चेत आहे. गेल्या 'वीकेंड का वार' एपिसोडमध्ये तिला सलमान खाननं तिच्या तब्येतीबद्दल घरी सतत बोलल्याबद्दल फटकारलं होतं. यानंतर खानजादीनं या एपिसोडमध्ये रडत बाथरूममध्ये स्वतःला कोंडून घेतलं होतं. यावेळी खानजादी खूप अस्वस्थ होती. याशिवाय यावेळी ती घर सोडायलाही तयार होती. यानंतर खानजादी 'बिग बॉस'च्या घरात सतत अडचणीत दिसली. ती सतत स्वतःला इतरांपासून दूर ठेवताना दिसली. खानजादीनं गेल्या 'वीकेंड का वार'मध्ये अभिषेक कुमारशीही चर्चा केली होती. जिथे ती अभिषेक कुमारसोबतच्या टास्कदरम्यान झालेल्या गोष्टींबद्दल स्पष्टीकरण विचारताना दिसली.
रिद्धी डोगरानं शेअर केली पोस्ट : यानंतर अभिषेक कुमारनेही माफी मागितली. दरम्यान टीव्ही सीरियल आणि बॉलीवूड अभिनेत्री रिद्धी डोगरानं खानजादीच्या या अवस्थेबद्दल उघडपणे सांगितलं आहे. तिनं 'एक्स'वर एक पोस्ट शेअर करत लिहिलं, 'जर तुम्हाला असं वाटत असेल की कोणीतरी फेक दाखवत आहे. कृपया मेंटल हेल्थ तज्ज्ञांना येऊ द्या. तिला कशाचा तरी त्रास होत आहे. याबद्दल तिला आणि तिच्या डॉक्टरला नक्की समजेल. मी काल कलर्स टीव्हीची क्लिप पाहिली , ज्यावरून असे वाटले की ती व्यक्ती कशाशी तरी लढत आहे'.खानजादीच्या समर्थनार्थ रिद्धी डोगरा आता समोर आली आहे.