लॉस एंजेलिस- जनरल हॉस्पिटल या गाजलेल्या मालिकेच्या 800 हून अधिक भागांमध्ये बार्बरा बॉबी स्पेन्सरची भूमिका साकारणारी अभिनेत्री जॅकलिन झेमन यांचे वयाच्या 70 व्या वर्षी निधन झाले. जेमन यांच्या मृत्यूची घोषणा जनरल हॉस्पिटल मालिकेचे कार्यकारी निर्माता फ्रँक व्हॅलेंटिनी यांनी बुधवारी संध्याकाळी ट्विटरवर केली. जॅकलिन झेमन यांच्या मृत्यूबाबत अधिक तपशील सध्या उपलब्ध नाहीत.
जॅकलिन झेमन यांच्या निधनाचे वृत्त- व्हॅलेंटिनीने लिहिले, 'आमच्या 'जनरल हॉस्पिटल' कुटुंबाच्या वतीने, आमच्या प्रिय जॅकी झेमनच्या निधनाची घोषणा करताना मला दुःख होत आहे. तिने साकारलेल्या बॉबी स्पेन्सर या पात्राप्रमाणेच, जॅकलिन झेमन एक उज्ज्वल प्रकाश आणि खरी व्यावसायिक होती. यामुळे तिच्यासोबत काम करण्यासाठी खूप सकारात्मक ऊर्जा दिली. जॅकीची खूप आठवण येईल, परंतु तिची सकारात्मक भावना आमच्या कलाकार आणि क्रू सोबत नेहमीच जिवंत राहील. आम्ही तिच्या प्रियजनांना, मित्रांना आणि कुटुंबियांना, विशेषत: तिच्या मुली कॅसिडी आणि लेसी यांना आमची मनापासून सहानुभूती पाठवतो', असे व्हॅलेंटिनीने सांगितले.
जनरल हॉस्पिटल मालिकेच्यावतीने निवेदन- मालिकेच्या प्रॉडक्शन हाऊसने झेमनच्या मृत्यूबद्दल एक निवेदन देखील जारी केले. त्यांनी लिहिले, 'जॅकलिन झेमन ही 'जनरल हॉस्पिटल' आणि ABC कुटुंबाची एक लाडकी सदस्य आहे कारण तिने 45 वर्षांपूर्वी बॉबी स्पेन्सरची प्रतिष्ठित भूमिका साकारली होती'. त्यात पुढे असे लिहिले आहे, 'ती वाईट मुलगी बनलेल्या नायिकेच्या एमी-नॉमिनेटेड चित्रणासाठी एक दीर्घकालीन वारसा मागे सोडते आणि तिच्या हळव्या हृदयासाठी आणि दयाळू वागण्यासाठी ती नेहमीच लक्षात राहील. तिच्या निधनाच्या बातमीने आम्ही उद्ध्वस्त झालो आहोत आणि आम्ही मनापासून दु:खी आहोत. जॅकीचे कुटुंब, मित्र आणि प्रियजनांप्रती शोक व्यक्त करतो.'
बॉबी स्पेन्सरमुळे लोकप्रियता - 6 मार्च 1953 रोजी न्यू जर्सी येथे जन्मलेल्या झेमनने लहानपणी बॅलेचा अभ्यास केला आणि नृत्याचा अभ्यास करण्यासाठी न्यूयॉर्क विद्यापीठात प्रवेश घेतला. परंतु 1976 मध्ये द एज ऑफ नाईटमध्ये तिच्या कामाचे कौतुक झाल्यानंतर ती अभिनयाकडेच कायमची वळली. सलग २५ वर्षे अनेक कलाकृतीमध्ये अभिनयाची उत्तम कारकिर्द केल्यानंतर ती १९७७ मध्ये जनरल हॉस्पिटल मालिकेमध्ये रुजू झाली आणि त्यानंतर जवळपास 50 वर्षांत 800 हून अधिक एपिसोडमध्ये दिसली. तिने पॅट स्पेन्सर (डी वॉलेस) आणि ल्यूक स्पेन्सर सीनियर (अँथनी गेरी) यांची बहिण बॉबी स्पेन्सर ही भूमिका साकारली.
हेही वाचा -Kerala Story Trends In India : 'द केरळ स्टोरी' ट्रेंडिंगमध्ये ठेवल्याबद्दल अभिनेत्री अदा शर्माने चाहत्यांचे मानले आभार
