আমগুৰি, ২৪ ছেপ্টেম্বৰ: শিৱসাগৰ জিলাৰ আমগুৰি সমষ্টিৰ গৌৰীসাগৰত গো-পালকৰ মাজত হাহাকাৰ । বিগত কিছুদিন ধৰি অচিন ৰোগত আক্ৰান্ত হৈ শতাধিক পশুধনৰ মৃত্যু হৈছে (Cattle dies of unknown disease)। গৌৰীসাগৰ চিন্তামণিগড় মিটং পাৰৰ গৰুৰ খুটিত সংঘটিত হৈছে এই ঘটনা ।
বিগত কিছুদিন শতাধিক পশুধন অচিন ৰোগত মৃত্যু হোৱাত চিন্তাত পৰিছে গো-পালকসকল । গো-পালন কৰি কোনো মতে পৰিয়াল পোহপাল দিয়া গো-পালকৰ মাজত হাহাকাৰ অৱস্থাৰ সৃষ্টি হৈছে ৷ ইতিমধ্যে অঞ্চলটোৰ গো-পালকৰ কেইবা লক্ষাধিক টকাৰ ক্ষতি সাধন হৈছে ।
আমগুৰিত অচিন ৰোগত আক্ৰান্ত হৈ শতাধিক পশুধনৰ মৃত্যু ইফালে এইসকলোবোৰৰ মাজত গো-পালকক সহায় কৰিবলৈ পশু চিকিৎসক আগবাঢ়ি নহাৰ গুৰুতৰ অভিযোগ উত্থাপিত হৈছে । চিন্তামণিগড়ত আছে এখন পশু চিকিৎসালয় ৷ কিন্তু স্থানীয় ঠাইত পশু চিকিৎসালয় থকা স্বত্বেও পশু চিকিৎসকে পশুধনসমূহৰ চিকিৎসাৰ বাবে আগবাঢ়ি নহাৰ অভিযোগ আনিছে গো-পালকসকলে ।
যোৱা দুটা মাহে অঞ্চলটোৰ পশুধনসমূহ অচিন ৰোগত আক্ৰান্ত হৈ প্ৰত্যেক গো-পালকৰ পশুধন তিনিটাৰ পৰা দহটা পৰ্যন্তকৈ গো-ধনৰ মৃত্যু হৈছে (Mysterious disease kills Cattle) ৷ আনহাতে বৰ্তমানলৈকৈ গো-পালকক সহায় কৰিবলৈ উপস্থিত হোৱা নাই কোনো বিভাগীয় লোক ।
লগতে পঢ়ক:জোনাইৰ জেলেমত অচিন ৰোগত আক্ৰান্ত হৈ পশুধনৰ মৃত্যু
