স্বাধীনতা কাপ ফুটবল প্ৰতিযোগিতাৰ উদ্ধোধনী অনুষ্ঠানত অংশগ্ৰহণ জুবিন গাৰ্গৰ
নগাঁও, 26 অক্টোবৰ : ফিফা বিশ্বকাপত ভাৰতীয় ফুটবল দলৰ অংশগ্ৰহণ চোৱাৰ সপোন জুবিন গাৰ্গৰ ৷ বৃহস্পতিবাৰে নগাঁৱত উপস্থিত হৈ এই মন্তব্য কৰে জনপ্ৰিয় শিল্পী জুবিন গাৰ্গে ৷ স্বাধীনতা কাপ ফুটবল প্ৰতিযোগিতাৰ উদ্বোধনী অনুষ্ঠানত অংশগ্ৰহণ শিল্পীগৰাকীৰ ৷
বৃহস্পতিবাৰৰ পৰা নগাঁৱৰ নুৰুল আমিন ষ্টেডিয়ামত অনুষ্ঠিত হৈছে সৰ্বভাৰতীয় পৰ্যায়ৰ স্বাধীনতা কাপ ফুটবল প্ৰতিযোগিতা ৷ নগাঁও ক্ৰীড়া সন্থাৰ উদ্যোগত 75 সংখ্যক স্বাধীনতা কাপ ফুটবল প্ৰতিযোগিতাৰ উদ্বোধনী অনুষ্ঠানত উপস্থিত থাকে ধিং এক্সপ্ৰেছ হিমা দাসৰ লগতে যুৱ প্ৰজন্মৰ হাৰ্ট থ্ৰব জুবিন গাৰ্গ ৷ দেশৰ কেবাটাও ফুটবল দলে অংশগ্ৰহণ কৰা 75 সংখ্যক স্বাধীনতা কাপ ফুটবল প্ৰতিযোগিতাৰ উদ্বোধনী অনুষ্ঠানত উপস্থিত থাকি ভাৰতীয় ফুটবল দলে বিশ্বকাপত খেলাৰ আশা কৰা বুলি মত ব্যক্ত কৰে শিল্পী জুবিন গাৰ্গে ৷