কৰিমগঞ্জ, 23 মেঃ কৰিমগঞ্জ কোৱাৰেণ্টাইন কেন্দ্ৰত বিশৃংখল পৰিস্থিতি । জিলা প্ৰশাসনৰ অমনোযোগিতা আৰু গুৰুত্বহীনতাৰ বাবেই কোৱাৰেন্টাইন কেন্দ্ৰত চৰম বিশৃংখলতাৰ মাজত থাকিবলগীয়া হৈছে লোকসকল । উল্লেখ্য যে, সুতাৰকান্দি আন্তঃৰাষ্ট্ৰীয় বাণিজ্য কেন্দ্ৰত বৃহস্পতিবাৰে নিশা মুম্বাই আৰু বাংগালোৰৰ পৰা অহা যুৱকসকলক কোৱাৰেন্টাইন কৰা হয় যদিও কেন্দ্ৰটোত উপস্থিত নাছিল কোনো চৰকাৰী বিষয়া কৰ্মচাৰী তথা স্বাস্থ্য বিভাগৰ লোক । যুৱকসকলক যোগান ধৰা হোৱা নাই খোৱাপানী, খাদ্য সামগ্ৰীৰ উপৰিও বিছনা । যাৰ ফলত কোৱাৰেন্টাইন কেন্দ্ৰটোৰ বাৰান্দাতে নিশা পাৰ কৰিবলগীয়া হয় যাত্ৰীসকলে ।
কৰিমগঞ্জত কোৱাৰেণ্টাইন কেন্দ্ৰত চৰম বিশৃংখলতা
সূতাৰকান্দি আন্তঃৰাষ্ট্ৰীয় বাণিজ্য কেন্দ্ৰত বৃহস্পতিবাৰে নিশা মুম্বাই আৰু বাংগালোৰৰ পৰা অহা যুৱকসকলক কেৱাৰেন্টাইন কৰা হয় যদিও কেন্দ্ৰটোত উপস্থিত নাছিল কোনো চৰকাৰী বিষয়া কৰ্মচাৰী তথা স্বাস্থ্য বিভাগৰ লোক । যুৱকসকলক যোগান ধৰা হোৱা নাই খোৱাপানী, খাদ্য সামগ্ৰীৰ উপৰিও বিছনা ।
আনহাতে, শুকুৰবাৰে পুৱাই উত্তৰ কৰিমগঞ্জৰ বিধায়ক কমলাক্ষ্য দে পুৰকায়স্থই এই খবৰ লাভ কৰি ঘটনাস্থলীত উপস্থিত হৈ পৰিস্থিতিৰ বুজ লয় । ততাতৈয়াকৈ জিলা প্ৰশাসনৰ সৈতে আলোচনা কৰি আন এটা কোৱাৰেন্টাইন কেন্দ্ৰ মুকলি কৰা হয় । সুতাৰকান্দি কোৱাৰেণ্টাইন কেন্দ্ৰত 75 খন বিচনাৰ ব্যৱস্থা কৰা হৈছিল কিন্তু তাৰ পিছতো কেন্দ্ৰটোত উপস্থিত হোৱা 74 গৰাকী লোকে থকা ঠাইৰ বাবে হাহাকাৰ কৰিবলগীয়া হয় । যি সময়ত ৰাজ্যত প্ৰতিদিনে বৃদ্ধি পাইছে কৰ'ণাত আক্ৰান্ত ৰোগীৰ সংখ্যা সেই সময়ত জিলা প্ৰশাসনৰ এইধৰণৰ খেলিমেলিয়ে ব্যাপক অসন্তষ্টি সৃষ্টি কৰিছে সচেতন মহলৰ মাজত ।
লগতে পঢ়ক- সৰুসজাই কোৱাৰেন্টাইন কেন্দ্ৰত মন্ত্ৰী হিমন্ত বিশ্ব শৰ্মা আৰু পীযুষ হাজৰিকা