গুৱাহাটী ৰে’ল ষ্টেচনত বৃহৎ পৰিমাণৰ বার্মিজ চুপাৰি জব্দ

গুৱাহাটী, 18 ছেপ্টেম্বৰ: চুপাৰি চিণ্ডিকেটকলৈ ৰাজ্য চৰকাৰে চুপাৰি চিণ্ডিকেটকলৈ কঠোৰ স্থিতি গ্ৰহণ কৰাৰ মাজতে ৰাজ্যত পুনৰ জব্দ হৈছে বাৰ্মিজ চুপাৰি । গুৱাহাটী ৰে’ল ষ্টেচনত জব্দ হ’ল বৃহৎ পৰিমাণৰ বাৰ্মিজ চুপাৰি (Burmese supari seized at Guwahati Railway Station) ৷

দেওবাৰে মহানগৰীৰ পল্টনবজাৰস্থিত ৰে’লৱে ষ্টেচনত ৰে’ল আৰক্ষীয়ে ৰাজধানী এক্সপ্ৰেছত অভিযান চলাই ৰা দুটা ডবাৰ পৰা বাৰ্মিজ চুপাৰি ভৰ্তি 195 বস্তা জব্দ কৰা হয় (Burmese supari seized in Guwahati) ৷ গুৱাহাটী ৰে’লৱে পুলিচৰ ভাৰপ্ৰাপ্ত বিষয়া প্ৰসেনজিৎ দাসৰ নেতৃত্বত চলা এই অভিযানত জব্দ হোৱা বৃহৎ পৰিমাণৰ বাৰ্মিজ চুপাৰিখিনিৰ পৰিমাণ প্ৰায় ৫০ লক্ষাধিক হ’ব বুলি জানিব পৰা গৈছে ৷

লগতে জব্দ হোৱা চুপাৰিখিনি ডিমাপুৰৰ পৰা লৈ অনা হৈছিল বুলি আৰক্ষীয়ে জনায় ৷ অৱশ্যে আৰক্ষীয়ে বৰ্তমানলৈ কোনো লোকক আটক কৰিবলৈ সক্ষম হোৱা নাই ৷

উল্লেখ্য যে, বিগত 26 আগষ্টত গুৱাহাটী ৰে’লৱে ষ্টেচনত আগৰতলা-ছেকেন্দ্ৰাবাদ এক্সপ্ৰেছৰ পৰা মুঠ ৫৫ বেগ বাৰ্মিজ চুপাৰী জব্দ কৰিছিল ।৪৪০০ কেজি পৰিমাণৰ বাৰ্মিজ চুপাৰিখিনি বদৰপুৰৰ পৰা লৈ অহা হৈছিল । চুপাৰিখিনিৰ বজাৰ মূল্য ৫ লাখতকৈ অধিক আছিল ৷

লগতে পঢ়ক:স্বামীৰ দাৰ ঘাপত প্ৰাণ গ’ল দহ সন্তানৰ মাতৃৰ