যোৰহাট, ২৬ ছেপ্টেম্বৰ : বৰ্তমান অসম সাহিত্য সভা জোকাৰি গৈছে দৰমহা বিতৰ্কই (Assam Sahitya Sabha salary controversy) । সাত মাহ ধৰি দৰমহা নোপোৱাৰ প্ৰতিবাদত অসহযোগ আন্দোলনত নামি পৰিছে অসম সাহিত্য সভা 42 জন কৰ্মচাৰী । অসম সাহিত্য সভাৰ মুখ্য কাৰ্যালয়ৰ কৰ্মচাৰীসকলে যাৰ বাবে অনিৰ্দিষ্টকালীন অসহযোগত নামি পৰিছে (Assam Sahitya Sabha Employees strike) ।
প্ৰাপ্য মজুৰি নোপোৱাৰ প্ৰতিবাদত মুখ্য কাৰ্যালয়ৰ কৰ্মচাৰীসকলে প্ৰতিবাদত নামিবলগীয়া হৈছে । কেৱল যোৰহাট মুখ্য কাৰ্যালয়ৰ কৰ্মচাৰীয়ে নহয়, সমগ্ৰ ৰাজ্যৰ ৪২ জন সাহিত্য সভা কৰ্মচাৰীয়ে বিগত সাত মাহ ধৰি দৰমহা নোপোৱাৰ প্ৰতিবাদত এনেদৰে মুখ্য কাৰ্যালয়ৰ প্ৰৱেশদ্বাৰৰ সন্মুখত হাতে হাতে প্লে'-কাৰ্ড লৈ প্ৰতিবাদ সাব্যস্ত কৰে (strike at Assam Sahitya Sabha head office) ।
উল্লেখ্য, বিগত সাত মাহ ধৰি প্ৰাপ্য মজুৰিৰ পৰা বঞ্চিত হৈ অহা সাহিত্য সভাৰ ৪২জন কৰ্মচাৰীয়ে অনিচ্ছা সত্ত্বেও প্ৰতিবাদত বহিবলৈ বাধ্য হোৱা বুলি পিৰকাশ কৰে । এই সন্দৰ্ভত সাহিত্য সভাৰ কৰ্মচাৰীসকলৰ বক্তব্য, তেওঁলোকৰ পৰিয়াল আছে আৰু পৰিয়াল পোহপাল দিয়াৰ লগতে কাৰ্যালয়লৈ অহা-যোৱা কৰিবলৈও তেওঁলোক অপৰাগ (Assam Sahitya Sabha head office Jorhat) ।