হাইলাকান্দিত প্ৰধানমন্ত্ৰী দৰিদ্ৰ কল্যাণ যোজনাত ব্যাপক অনিয়ম!

হাইলাকান্দিৰ কাঠলিছেড়া সমষ্টিৰ বিলাইপুৰ গাঁৱৰ পঞ্চায়ত সভাপতি আহমেদ হুছেইনৰ বিৰুদ্ধে উত্থাপন হৈছে প্ৰধানমন্ত্ৰী দৰিদ্ৰ কল্যাণ যোজনাত অনিয়মৰ অভিযোগ ৷

হাইলাকান্দি, 3 জুনঃ হাইলাকান্দিত প্ৰধানমন্ত্ৰী দৰিদ্ৰ কল্যাণ যোজনাৰ নামত ব্যাপক অনিয়মৰ অভিযোগ উত্থাপন হৈছে ৷ কাঠলিছেড়া সমষ্টিৰ বিলাইপুৰ গাঁৱৰ পঞ্চায়ত সভাপতি আহমেদ হুছেইনৰ বিৰুদ্ধে উত্থাপন হৈছে এই অনিয়মৰ অভিযোগ ৷ লক ডাউনৰ সময়ত প্ৰধানমন্ত্ৰী নৰেন্দ্ৰ মোডীয়ে ৰেচন কাৰ্ড নথকা পৰিয়াললৈ 1000 টকা প্ৰদানৰ বিষয়ে ঘোষণা কৰিছে যদিও,একাংশ পঞ্চায়ত প্ৰতিনিধিয়ে এই আঁচনিত অনিয়ম কৰা বুলি জানিব পৰা গৈছে ৷

ৰেচন কাৰ্ড নথকা ব্যক্তিৰ বিপৰীতে,একাংশ জন প্ৰতিনিধিৰ পৰিয়ালৰ সদস্যই আৰু ৰেচন কাৰ্ড থকা ব্যক্তিয়ে এই টকা পোৱা বুলি অভিযোগ কৰিছে একাংশ বঞ্চিত ৰাইজে ৷ তাৰ সলনি ৰেচন কাৰ্ড থকা লোকসকলে পাইছে ৫০০ অথবা ৭০০ টকা ৷ এই ঘটনা সন্দৰ্ভত ভুক্তভোগী ৰাইজে লালা আৰক্ষী চকীত এটা গোচৰ ৰুজু কৰাৰ লগতে জিলা উপায়ুক্তলৈও এখন স্মাৰক প্ৰেৰণ কৰিছে ৷ কিন্তু ইমানৰ পিচতো এই পৰ্যন্ত ভুক্তভোগী ৰাইজে পোৱা নাই কোনো ধৰণৰ সমাধান ৷

লগতে পঢ়কঃভুৱা আশ্বাসত পৰিণত মুখ্যমন্ত্ৰীৰ প্ৰতিশ্ৰুতি