জোনাই, ২৬ আগষ্ট :জোনাইৰ বিভিন্ন অঞ্চল এতিয়াও বান আৰু গৰখহনীয়াৰ কৱলত ৷ এটা এটা দিন ৰাইজে ভয় আৰু শংকাৰ মাজেৰে পাৰ কৰিবলগীয়া হৈছে জোনাইৰ বহুতো অঞ্চলত ৷ ৰাজাখানা-দেবিং নদীৰ ভয়ংকৰ গৰাখহনীয়াই তীব্ৰ ভাবুকি কঢ়িয়াই আনিছে বালিজান অঞ্চললৈ ৷ দেবিং নদীৰ ভয়ংকৰ গৰাখহনীয়াই নিদ্ৰাহৰণ কৰিছে বালিজানবাসী ৰাইজৰ ।
ঘৰ বাৰী, খেতি-পথাৰ,বাট-পথ, মূল্যৱান গছ-গছনি জাহ গৈছে দেবিং নদীৰ বুকুত ৷ জানিব পৰা মতে জোনাইৰ ৰাজাখানা গাঁও পঞ্চায়তৰ অন্তৰ্গত বালিজান অঞ্চলত চুবুৰীয়া ৰাজ্য অৰুণাচলৰ পৰা বৈ অহা ৰাজাখানা দেবিং নদীয়ে বিগত প্ৰায় দহ বছৰৰ পৰা অব্যাহত থকা ভয়ংকৰ খহনীয়াই অঞ্চলটোলৈ কঢ়িয়াই আনিছে তীব্ৰ ভাবুকি ৷
প্ৰতি বছৰে নদীখনৰ তীব্ৰ গৰাখহনীয়াত জাহ গৈছে বালিজান গাঁৱৰ বহু পৰিয়ালৰ সপোনৰ ঘৰখন । সমান্তৰালকৈ নদীখনৰ খহনীয়াত জাহ গৈছে খেতি-পথাৰ, মূল্যৱান গছ-গছনিৰ লগতে একমাত্ৰ সদাব্যস্ত পথটোও ৷