বঙাইগাঁৱৰ মানিকপুৰত বানৰ তাণ্ডৱ : ৰাইজৰ মাজত হাহাকাৰ

বিগত কেইবাদিন ধৰি হোৱা নেৰানেপেৰা বৰষুণ আৰু মানাহ নদীৰ বাঢ়নী পানীয়ে বুৰাই পেলাইছে বঙাইগাঁও জিলাৰ মানিকপুৰ ৰাজহ চক্ৰৰ অন্তৰ্গত প্ৰায় কুৰিখনৰো অধিক গাঁও ৷ বছৰৰ প্ৰথমটো বানে বুৰাই পেলাইছে লুংঝাৰ, বৰবিলা, খৰিবাৰী, পশ্চিম বৰবিলা, ভাটিপাৰা, গাৰোলেটি আদি কৰি কুৰিখনৰো অধিক গাঁও ৷

উত্তৰ অভয়াপুৰী, 26 মে': সমগ্ৰ দেশজুৰি কৰ'ণা ভাইৰাছৰ আতংকৰ মাজতে ৰাজ্যত ভুতৰ ওপৰত দানহ পৰাদি বানপানীয়ে তাণ্ডৱ সৃষ্টি কৰিছে ৷ বিগত কেইবাদিন ধৰি হোৱা নেৰানেপেৰা বৰষুণ আৰু মানাহ নদীৰ বাঢ়নী পানীয়ে বুৰাই পেলাইছে বঙাইগাঁও জিলাৰ মানিকপুৰ ৰাজহ চক্ৰৰ অন্তৰ্গত প্ৰায় কুৰিখনৰো অধিক গাঁও ৷ বছৰৰ প্ৰথমটো বানে বুৰাই পেলাইছে লুংঝাৰ, বৰবিলা, খৰিবাৰী, পশ্চিম বৰবিলা, ভাটি পাৰা, গাৰোলেটি আদিকে ধৰি বহুকেইখন গাঁও ৷ বানত বুৰিছে গাঁৱকেইখনৰ বিস্তীৰ্ণ কৃষিভূমিৰ লগতে বহু বাসগৃহ ৷

এই বানে উটুৱাই নিয়ে চিৰাজউদ্দিন আজমলৰ সাংসদ পূঁজিৰ 30 লাখ টকাৰ লগতে ৰাইজৰ গাঁঠিৰ 10 লক্ষাধিক টকা ব্যয় কৰি লুংঝাৰ মানাহ নদীৰ ওপৰত নিৰ্মান কৰা কাঠৰ দলঙখন ৷ মানাহ নদীৰ ওপৰত থকা এই দলঙখন বানে উটুৱাই নিয়াত এতিয়া যাতায়ত বিছিন্ন হৈ পৰিছে প্ৰায় 30 খন গাঁৱৰ ৷ গাঁৱসমূহৰ একমাত্ৰ দুৱাৰমুখ মানিকপুৰৰ লগত যোগাযোগ বিছিন্ন হোৱাত হাহাকাৰ পৰিবেশৰ সৃষ্টি হৈছে অঞ্চলবাসী ৰাইজৰ ৷ এই ক্ষেত্ৰত চৰকাৰলৈ সহায়ৰ আহ্বান জনাইছে ভুক্তভোগী ৰাইজে ৷

লগতে পঢ়কঃৰাজ্যত কৰ'ণা আক্ৰান্তৰ সংখ্যা 548 লৈ বৃদ্ধি