বৰপেটা , 11 জানুৱাৰী :বৰপেটা সত্ৰৰ শাখা সত্ৰ সমাজে শনিবাৰে বৰপেটা জিলা পুথিভঁৰাল প্ৰেক্ষাগৃহত এক অনুষ্ঠানৰ আয়োজন কৰে ৷ শংকৰী সংস্কৃতিৰ গৱেষক ড৹ অমলেন্দু চক্ৰৱৰ্তীক ৰাজ্যৰ বিধান সভাৰ অধ্যক্ষ হিতেন্দ্ৰনাথ গোস্বামীয়ে 'শ্ৰীশ্ৰী মথুৰাদাস বুঢ়াআতা বঁটা'প্ৰদান কৰে ৷
ইপিনে গুৰুজনাৰ ধৰ্মমত আৰু সত্ৰীয়া সংস্কৃতিৰ প্ৰচাৰ, প্ৰসাৰৰ কামত সমগ্ৰ জীৱন সমৰ্পিত কৰি অহা বেণুধৰ কছাৰীক 'সত্ৰভূষণ'উপাধি প্ৰদান কৰা হয় ৷ যোৰহাট জিলাৰ তিতাবৰৰ ভিতৰুৱা চেকুৰীয়া গাঁৱৰ বেণুধৰ কছাৰীয়ে জনজাতীয় সকলৰ মাজত সত্ৰ সংস্কৃতিৰ প্ৰচাৰ প্ৰসাৰৰ বাবে আগবঢ়াই অহা অৱদানৰ বাবেই এই সত্ৰভূষণ উপাধি প্ৰদান কৰে বৰপেটা শাখা সত্ৰ সমাজে ৷
ড৹ অমলেন্দু চক্ৰৱৰ্তীক 'শ্ৰীশ্ৰী মথুৰাদাস বুঢ়াআতা বঁটা' প্ৰদান