বৰপেটা, 11 জুলাইঃ বৰপেটা জিলাৰ জনীয়া সমষ্টিৰ অন্তৰ্গত ভাতকুছি গাঁওলৈ যোৱা পথৰ দুৰাৱস্থাই জ্বলা-কলা খুৱাইছে সাধাৰণ জনতাক । এজাক বৰষুণতে একাঠু পৰ্যন্ত পানী হোৱা এই পথৰেই পাঁচখনমান গাওঁৰ ৰাইজে দৈনিক বৰপেটা চহৰলৈ অহা যোৱা কৰে । উল্লেখযোগ্য যে, জনীয়াৰ স্থানীয় বিধায়ক আব্দুল খালেকে 2016 চনত এনৰেগা আঁচনিৰ অধীনত 4 লাখ টকা ব্যয় সাপেক্ষে পথটো নিৰ্মাণৰ আঁচনি গ্ৰহণ কৰিছিল । কিন্তু বিধায়কৰ ঘনিষ্ঠ কেইজনমান ঠিকাদাৰে কেই ট্ৰাকমান মাটি পেলায়েই নিজৰ দায়িত্ব সামৰে বুলি অভিযোগ উঠিছে । সেয়ে উক্ত পথটোৰে অহা যোৱা কৰা ৰাইজে পথটো অতি শীঘ্ৰে পকীকৰণ কৰিবলৈ গড়কাপ্তানী মন্ত্ৰী ড0 হিমন্ত বিশ্ব শৰ্মাক দাবী জনাইছে ।
পথ নে পুখুৰী, জলা কলা খাইছে সাধাৰণ জনতাই