বাক্সা, 7 অক্টোবৰ : বুধবাৰে সন্ধিয়া বাক্সা জিলাৰ তামুলপুৰত 44 টাকৈ চোৰাং চিকাৰী(Poacher)ৰ আত্মসমৰ্পণ(Surrender) ৷ তামুলপুৰৰ ভিন্ন প্ৰান্তৰ পৰা অহা চোৰাং চিকাৰীকেইটাই অস্ত্ৰসহ আনুষ্ঠানিকভাৱে আত্মসমৰ্পণ কৰে ৷
তামুলপুৰত বুধবাৰে সন্ধিয়া অস্ত্ৰসহ 44 টাকৈ চোৰাং চিকাৰী(Poacher)ৰ আনুষ্ঠানিকভাৱে আত্মসমৰ্পণ(Surrender) ৷ তামুলপুৰৰ ভিন্ন প্ৰান্তৰ পৰা অহা চোৰাং চিকাৰীকেইটাই বাক্সা জিলাৰ আৰক্ষী অধীক্ষক, তামুলপুৰ মহকুমা আৰক্ষী বিষয়াসহ বহুকেইগৰাকী শীৰ্ষ আৰক্ষী বিষয়াৰ উপস্থিতিত আত্মসমৰ্পণ কৰে ৷
তামুলপুৰৰ ঘগ্ৰাচকত আয়োজিত এই আত্মসমৰ্পণ অনুষ্ঠানত উপস্থিত থাকে বাক্সা জিলাৰ আৰক্ষী অধীক্ষক ৰাজেন সিং, তামুলপুৰ মহকুমা আৰক্ষী বিষয়া ৰূপজ্যোতি কলিতা, তামুলপুৰ থানাৰ ভাৰপ্ৰাপ্ত বিষয়া দীপক সূত্ৰধৰকে ধৰি কেইবাগৰাকীও আৰক্ষী বিষয়া ৷
আত্মসমৰ্পণৰ সময়ত চোৰাং চিকাৰীসকলে 14 টা হস্তনিৰ্মিত ৰাইফল, দুটা গ্ৰেণেড, 12 টা গছ কটা মেচিন, 12 টা হৰিণৰ শিং আদিকে ধৰি বিভিন্ন অস্ত্ৰ জমা দিয়ে । আত্মসমৰ্পণকাৰী আটাইকেইজন চোৰাং চিকাৰীক ধন্যবাদ আৰু অভিনন্দন জ্ঞাপন কৰে বাক্সা জিলা আৰক্ষী অধীক্ষক ৰাজেন সিঙে ।
তামুলপুৰত চোৰাং চিকাৰীৰ আত্মসমৰ্পণ
লগতে পঢ়ক :চৰাইদেউত বুজন পৰিমাণৰ ড্ৰাগছসহ এজন আটক
Last Updated :Oct 7, 2021, 1:00 PM IST