IND vs NZ Test : নিউজিলেণ্ডক 372 ৰাণত পৰাস্ত কৰিলে ভাৰতে, 1-0ৰ ব্যৱধানত শৃংখলা জয়

সোমবাৰে 372 ৰাণৰ বৃহৎ ৰাণৰ ব্যৱধানত নিউজিলেণ্ডৰ বিৰুদ্ধে দ্বিতীয় টেষ্টত জয়লাভ ভাৰতৰ ৷ আজিৰ খেলখনত শ্ৰেষ্ঠ প্ৰদৰ্শন কৰিছে ৰবিচন্দ্ৰন অশ্বিনে ৷

স্পৰ্টছ ডেস্ক, 6 ডিচেম্বৰ : নিউজিলেণ্ডৰ বিৰুদ্ধে দ্বিতীয় টেষ্টত জয়লাভ ভাৰতৰ ৷ 372 ৰাণৰ বৃহৎ ৰাণৰ ব্যৱধানত জয়লাভ ভাৰতৰ ৷ সোমবাৰে খেলৰ আৰম্ভণিৰ ৪৩ মিনিটত, ৰবিচন্দ্ৰন অশ্বিনে (৪/৩৪) ঋদ্ধিমান সাহাৰ ৰিফ্লেক্স ষ্টাম্পিংৰ ফলত লাভান্বিত হয় আৰু লগতে ভাৰতৰ মাটিত তেওঁৰ ৩০০ তম উইকেট সম্পূৰ্ণ কৰে ৷

এই মাৰ্জিনত বিজয় দেশৰ মাটিত ভাৰতৰ প্ৰথমটো বিজয় ৷ কানপুৰত সম্পূৰ্ণ শক্তিৰে যুঁজ দিয়া ভাৰতীয় দলটোৰ অতিৰিক্ত বাউন্স আৰু টাৰ্ণে এখন মেচত কিৱি বাহিনীৰ বাবে চিনাকি সমস্যাৰ সৃষ্টি কৰিছিল যিখন খেলত তেওঁলোকে এজাজ পেটেলৰ 10 উইকেটৰ বীৰত্বৰ বাবে মনত ৰাখিবলৈ চেষ্টা কৰিব ।

আজিৰ খেলখনত শ্ৰেষ্ঠ প্ৰদৰ্শন কৰিছে ৰবিচন্দ্ৰন অশ্বিনে ৷ নিউজিলেণঢৰ স্কিপাৰ টম লাথাম, উইল য়ং, ৰছ টেইলৰক নিজৰ দূৰ্দান্ত বলিঙৰ দ্বাৰা পেভিলিয়নলৈ উভটাই পঠায় অশ্বিনে ৷ যিয়ে দ্বিতীয় টেষ্টৰ তৃতীয়টো দিনত ভাৰতৰ বিজয় সুনিশ্চিত কৰে ৷ অশ্বিনে আজিৰ মেছখনত 17 অভাৰত 27 ৰাণ প্ৰদান কৰি 3 উইকেট দখল কৰিবলৈ সক্ষম হয় ৷

অশ্বিনে একেটা বছৰতে 50 টাতকৈ অধিক দখল কৰি প্ৰাক্তন ক্ৰিকেটাৰ অনিল কুম্বলে আৰু হৰভজন সিঙৰ ৰেকৰ্ড ভংগ কৰিবলৈ সক্ষম হৈছে ৷

একেটা বছৰতে 50 বা তাতকৈ অধিক টেষ্ট উইকেট দখল কৰা ভাৰতীয় ক্ৰিকেটাৰসকল :

4- ৰবিচন্দ্ৰন অশ্বিন (2015, 2016, 2017, 2021)

3- অনিল কুম্বলে (1999, 2004, 2006)

3- হৰভজন সিং (2001, 2002, 2008)

2- কপিল দেৱ (1979, 1983)

যদিও এই শৃংখলাটো নিশ্চিতভাৱে ভাৰতৰ আত্মবিশ্বাস বৃদ্ধি কৰিব কিন্তু একে সময়তে, সকলোৱে জানে দক্ষিণ আফ্ৰিকাত দলটোৰ বাবে কি কি প্ৰত্যাহ্বানে অপেক্ষা কৰি আছে ৷ আটাইতকৈ গুৰুত্বপূৰ্ণ বিষয়টো হ'ব অধিনায়ক কোহলী, তেওঁৰ উপ-অধিনায়ক আজিংক্য ৰাহানে আৰু নম্বৰ 3 চেতেশ্বৰ পূজাৰাৰ তিনিজন গুৰুত্বপূৰ্ণ বেটছমেনৰ ফৰ্মৰ অভাৱ ।

বৰ্তমানৰ ফৰ্মত, তিনিওজনকে প্লেয়িং ইলেভেনত স্থান দিব নোৱাৰি ৷ শ্ৰেয়ছ আয়াৰ আৰু শুভমান গিলে ভাল ফৰ্ম দেখুৱাইছে আৰু হনুমা বিহাৰীয়ে, কিছুমান উপযোগী knockৰ সৈতে, wingsত অপেক্ষা কৰি আছে | গতিকে দক্ষিণ আফ্ৰিকাৰ বিৰুদ্ধে দলটোৱে কিছুমান কঠিন বাছনিৰ বাবে সিদ্ধান্ত গ্ৰহণ কৰিব লাগিব ।

লগতে পঢ়ক :প্ৰতিটো ফৰমেটত ৫০ খন আন্তঃৰাষ্ট্ৰীয় মেচ বিজয়ী প্ৰথমগৰাকী ক্ৰিকেটাৰ বিৰাট কোহলি